மும்பையின் முன்னாள் கிரிக்கெட் வீரரும் புகழ்பெற்ற பயிற்சியாளருமான வாசு பரஞ்சபே இன்று மும்பையில் காலமானார்.
மும்பையின் முன்னாள் கிரிக்கெட் வீரரும் புகழ்பெற்ற பயிற்சியாளருமான 82 வயதான வாசு பரஞ்சபே இன்று மும்பையில் காலமானார். அவர் 1956 முதல் 1970 வரை பரோடா மற்றும் மும்பை அணிக்காக 29 முதல்தர போட்டிகளில் விளையாடி உள்ளார். ஓய்வுக்குப் பிறகு பரஞ்சபே, சூப்பர் ஸ்டார் கிரிக்கெட் வீரர்களான சுனில் கவாஸ்கர், திலீப் வெங்சார்கர், ராகுல் டிராவிட், சச்சின் டெண்டுல்கர் மற்றும் ரோஹித் சர்மா போன்றவர்களின் வாழ்க்கையில் ஒரு தாக்கத்தை ஏற்படுத்தினார்.
வாசு பரஞ்சபே முதல் கட்ட வாழ்க்கையில், 23.78 சராசரியில் 785 ரன்கள் எடுத்து ஒன்பது விக்கெட்டுகளை வீழ்த்தியுள்ளார். அவர் மும்பையின் உள்ளூர் கிரிக்கெட்டில் மிக முக்கியமான வீரர்களில் ஒருவராக இருந்தார். நட்சத்திரங்கள் நிறைந்த தாதர் யூனியனைப் பிரதிநிதித்துவப்படுத்தினார்.
பின்னர், தேசிய கிரிக்கெட் அகாடமியில் பயிற்சியாளராக பணியாற்றுவதைத் தவிர, பல தேசிய இளைஞர் அணிகளுக்கு பயிற்சி அளித்துள்ளார். அவரது மகன் ஜதின் பரஞ்சபே, முன்னாள் இந்திய கிரிக்கெட் வீரர் மற்றும் முன்னாள் தேசிய தேர்வாளர் ஆவார். இந்த நிலையில், வாசு பரஞ்சபே உடல்நிலை குறைவு காரணமாக இன்று காலமானதை அடுத்து, கிரிக்கெட் நட்சத்திரங்கள் மற்றும் பயிற்சியாளர் ரவி சாஸ்திரி உள்ளிட்டோர் இரங்கல் தெரிவித்து வருகின்றனர்.
Really saddened at the demise of Vasoo Paranjape. He was an institution in the game with a real positive vibe in whatever he did. Condolences to @jats72 and the family. God bless his soul ???????? pic.twitter.com/LlIkaB242Q
— Ravi Shastri (@RaviShastriOfc) August 30, 2021
A truly exceptional and invaluable member of the cricket community passes away. RIP Vasu Sir! #VasuParanjape
— Sanjay Manjrekar (@sanjaymanjrekar) August 30, 2021
