நடிகர் சித்தார்த் தமிழ் சினிமாவின் பிரபலமான நடிகர். இவர் நடித்த பாய்ஸ் படத்தின் மூலம் இவர் கதாநாயகனாகவும், உதவி இயக்குனராகவும் அறிமுகமானார். இவர் தமிழ், தெலுங்கு, இந்தி மற்றும் ஆங்கிலம் போன்ற மொழிகளில் திரைப்படங்களில் நடித்துள்ளார்.
இந்நிலையில் தற்போது இவர் இயக்குனர் சசி இயக்கத்தில் உருவாகியுள்ள சிவப்பு மஞ்சள் பச்சை படத்தில் போக்குவரத்து போலீஸ் இன்ஸ்பெக்டராக நடித்துள்ளார். இந்த படம் விரைவில் வெளியாகவுள்ளது.
இந்நிலையில், கற்றது தமிழ், தங்கமீன் போன்ற படங்களை இயக்கிய இயக்குனர் ராம் இயக்கத்தில் நடிகர் சித்தார்த் நடிக்கவுள்ளதாக தகவல்கள் வெளியாகியுள்ளது. இதுகுறித்த அதிகாரபூர்வ அறிவிப்பு இன்னும் வெளியாகாத நிலையில், விரைவில் வெளியாகும் என எதிர்பார்க்கப்படுகிறது.
