ராகுல் காந்திக்கான பாதுகாப்பை உறுதி செய்ய உடனடி நடவடிக்கை எடுக்குமாறு உள்துறை அமைச்சர் அமித்ஷாவுக்கு கடிதம்.
இந்திய ஒற்றுமை நடைபயணத்தை மேற்கொள்ளும் காங்கிரஸ் எம்பி ராகுல் காந்திக்கான பாதுகாப்பை உறுதி செய்ய வேண்டும் என்று காங்கிரஸ் கடிதம் எழுதியுள்ளது. ராகுல் காந்திக்கான பாதுகாப்பை உறுதி செய்ய உடனடி நடவடிக்கை எடுக்குமாறு மத்திய உள்துறை அமைச்சர் அமித்ஷாவுக்கு, காங்கிரஸ் பொதுச்செயலாளர் கே.சி.வேணுகோபால் கடிதம் எழுதியுள்ளார்.
ஒற்றுமை பயணத்தில் பங்கேற்கும் மக்கள் மற்றும் தலைவர்களுக்கான பாதுகாப்பையும் உறுதி செய்ய வேண்டும் எனவும் கோரிக்கை விடுத்துள்ளார். டெல்லியில் நடைபெற்ற ஒற்றுமை நடைப்பயணத்தின் போது கூட்டத்தை கட்டுப்படுத்துவதில் டெல்லி போலீஸ் தோல்வியை சந்தித்தது.
எனவே, அடுத்தகட்ட நடைபயணம் பஞ்சாப், ஜம்மு காஷ்மீரில் நடைபெறுவதால் உரிய பாதுகாப்பை வழங்க வேண்டும் எனவும் வலியுறுத்தியுள்ளார். மேலும், பாரத் ஜோடோ யாத்திரையில் பங்கேற்க முக்கிய பிரமுகர்களை உளவுத்துறை விசாரணை என்ற பெயரில் துன்புறுத்துவதாகவும் குற்றசாட்டியுள்ளார்.
