ரஷ்யாவுக்கும் உக்ரைனுக்கும் இடையே நடந்து வரும் போருக்கு இடையே உக்ரைன் தாக்குதலில் ரஷ்ய நடிகை ஒருவர் உயிரிழந்தார். ரஷ்ய நடிகை போலினா மென்ஷிக் கிழக்கு உக்ரைனின் ரஷ்ய கட்டுப்பாட்டுப் பகுதியில் ரஷ்ய இராணுவ வீரர்களுக்காக நிகழ்ச்சி நடத்திக் கொண்டிருந்தார். அப்போது உக்ரைன் விமானப்படை வான்வழி தாக்குதல் நடத்தியது. இந்த கொடூர சம்பவம் தொடர்பான வீடியோவும் சமூக வலைதளங்களில் வைரலாகி வருகிறது.
அந்த வீடியோவில் ‘மேடையில் மென்ஷிக் ரஷ்ய வீரர்களுக்காக கிட்டார் வாசிப்பதையும், பாடுவதையும் காணலாம். அப்போது திடீரென உக்ரைன் விமானப்படை வான்வழி தாக்குதல் நடத்தியது. உடனே அந்த கட்டிடம் அதிர்வு ஏற்பட்டு வீடியோ நின்று விடுகிறது. இந்த தாக்குதலில் ரஷ்ய நடிகை போலினா மென்ஷிக் உயிரிழந்தார்.
மேலும் சுமார் 100 பேர் காயமடைந்தனர். எனினும் இந்த தாக்குதலில் உயிரிழந்தவர்களின் மொத்த எண்ணிக்கை இன்னும் உறுதி செய்யப்படவில்லை. இந்த சம்பவம் கடந்த ஞாயிற்றுக்கிழமை நடந்ததாக டெய்லி மெயில் செய்தி வெளியிட்டுள்ளது.
இந்த மாத தொடக்கத்தில் உக்ரைனில் நடந்த விருது வழங்கும் விழாவில் ரஷ்யா நடத்திய தாக்குதலுக்கு பதிலடி கொடுக்கும் வகையில் இந்த தாக்குதல் நடத்தப்பட்டதாக உக்ரைன் ஒப்புக்கொண்டது.
JUST IN: Russian actress Polina Menshikh was killed by a Ukrainian missile while performing for Russian marines.
The incident happened in the village of Kumachovo which is 40 miles from the front lines.
The strike was conducted by the Ukrainian military using a US-supplied… pic.twitter.com/7xNtawpBzT
— Collin Rugg (@CollinRugg) November 22, 2023
