மழைநீர் வடிகால் பணிகளை ஆய்வு மேற்கொண்ட தலைமை செயலாளர் இறையன்பு.
தமிழகத்தில் சில மாவட்டங்களில் மழைநீர் வடிகால் பணிகள் நடைபெற்று வருகிறது. அந்த வகையில், சென்னையில் பல இடங்களில் மழைநீர் வடிகால் பணிகள் தீவிரமாக நடைபெற்று வருகிறது. அக்டோபர் 15ம் தேதிக்குள் மழைநீர் வடிகால் பணிகள் நிறைவடையும் என தெரிவிக்கப்பட்டிருந்த நிலையில், பணிகள் இறுதிக்கட்டத்தை எட்டியுள்ளது.
இந்த நிலையில், தலைமை செயலாளர் இறையன்பு தாம்பரம் மாநகராட்சிக்கு உட்பட்ட பம்மல், அனகாபுத்தூர் பகுதிகளில் நடைபெற்று வரும் மழைநீர் வடிகால் பணிகளை நேரில் ஆய்வு மேற்கொண்டுள்ளார்.
