பாகிஸ்தான் கிரிக்கெட் வாரிய புதிய தலைவராக முன்னாள் பாகிஸ்தான் கிரிக்கெட் வீரர் ரமீஸ் ராஜா தேர்வு செய்யப்பட்டுள்ளார்.
பாகிஸ்தான் கிரிக்கெட் வாரியத்தின் தலைவராக இருந்த இசான் மணியின் பதவிக்காலம் மாதம்25 ஆம் தேதியுடன் முடிவடைந்த நிலையில், அவரின் பதவிக் காலத்தை நீட்டிக்க பாகிஸ்தான் கிரிக்கெட் வாரிய தலைமை புரவலரும், அந்த நாட்டின் பிரதமருமான இம்ரான் கான் விரும்பவில்லை.
இதனால், பாகிஸ்தான் கிரிக்கெட் வாரியத்திற்கு புதிய தலைவர் நியமிக்கப்படுவார் என கூறப்பட்டது. இதனையடுத்து, பாகிஸ்தான் கிரிக்கெட் வாரிய புதிய தலைவராக முன்னாள் பாகிஸ்தான் கிரிக்கெட் வீரர் ரமீஸ் ராஜா தேர்வு செய்யப்பட்டுள்ளார். ரமீஸ் ராஜா மூன்றாண்டுகளுக்கு பாகிஸ்தான் கிரிக்கெட் வாரியத் தலைவராக பதவிவகிப்பார் என தெரிவிக்கப்பட்டுள்ளது.
