சப்ஜா விதை- சப்ஜா விதைகளின் நன்மைகள் , யார் அதிகமாக எடுத்துக் கொள்ளக் கூடாது என்பதை பற்றி இப்பதிவில் காணலாம்.
சப்ஜா விதைகள்:
சப்ஜா விதைகள் என்பது திருநீற்றுப்பச்சிலையின் விதைகள் ஆகும். இது ஒரு துளசி குடும்பத்தைச் சேர்ந்தது. சப்ஜா விதைகளை ஆயுர்வேத மருத்துவத்திலும் சீன மருத்துவத்திலும் அதிகம் பயன்படுத்தப்படுகிறது.
சப்ஜா விதையின் நன்மைகள்:
- சப்ஜா விதையில் அதிக அளவு தாது சத்துக்கள் உள்ளது, குறிப்பாக கால்சியம், மெக்னீசியம் ,அயன் போன்ற சத்துக்கள் நிறைந்து காணப்படுகிறது. இந்த சத்துக்கள் பால் மற்றும் இறைச்சியில் அதிகம் இருக்கும் ,பால் இறைச்சி சாப்பிடாதவர்களுக்கு சப்ஜா விதைகள் ஒரு அருமருந்தாகும்.
- மேலும் ஒமேகா 3, விட்டமின் கே ,நார்ச்சத்து அதிகம் நிறைந்துள்ளது.ப்ரோ பையாடிக் இதில் உள்ளதால் குடல் ஆரோக்கியத்தை மேம்படுத்துகிறது.
- சப்ஜா விதைகளை லெமன் ஜூஸ், நன்னாரி சர்பத் போன்ற ஜூஸ் வகைகளுடன் எடுத்துக்கொள்ளவும் .வெறும் விதைகளை எடுத்துக்கொள்ளக்கூடாது .
- உணவு சாப்பிடுவதற்கு அரை மணி நேரத்திற்கு முன் சப்ஜா விதைகளை எடுத்துக் கொண்டால் உடல் எடை கணிசமாக குறையும். சிறுநீர் பாதையில் ஏற்படும் எரிச்சலை சரி செய்யும்.
தவிர்க்க வேண்டியவர்கள்:
- பெண்களுக்கு சுரக்கும் ஈஸ்ட்ரோஜன் ஹார்மோனின் அளவை சப்ஜா விதைகள் குறைக்கிறது என்பதால் பெண்கள் மிகக் குறைவான அளவு எடுத்துக் கொள்ளவும்.
- குழந்தைகளுக்கு சப்ஜா விதைகளை கொடுப்பதை தவிர்க்க வேண்டும் .இது வயிறு உப்பசம் போன்ற வயிறு உபாதைகளை ஏற்படுத்தும்.
- அறுவை சிகிச்சை செய்ய தயாராக இருப்பவர்கள் மற்றும் அறுவை சிகிச்சை செய்து சில நாட்கள் ஆனவர்கள் சப்ஜா விதைகளை முற்றிலும் தவிர்க்க வேண்டும்.
எனவே சப்ஜா விதைகளின் நன்மைகளைப் பெற ஆண்கள் வாரத்திற்கு ஐந்து நாட்களும் பெண்கள் , வாரத்திற்கு இரண்டு நாட்களும் ஒரு நாள் ஒன்றுக்கு ஒரு ஸ்பூன் அளவு எடுத்துக் கொள்ளலாம்.
