RCB vs KKR:ஐபிஎல் தொடரில் இன்று நடைபெறும் 31 ஆவது லீக் ஆட்டத்தில், ராயல் சேலஞ்சர்ஸ் பெங்களூரு அணியானது, கொல்கத்தா கொல்கத்தா நைட் ரைடர்ஸ் அணியுடன் மோதவுள்ளது.
கொரோனாவால் ஒத்திவைக்கப்பட்ட 14-வது ஐபிஎல் தொடரின் மீதமுள்ள போட்டிகள் ஐக்கிய அரபு அமீரகத்தில் உள்ள துபாய், ஷார்ஜா, அபுதாபி ஆகிய நகரங்களில் நேற்று முதல் அக்டோபர் 15 ஆம் தேதி வரை நடைபெறுகிறது.அதன்படி,துபாயில் நேற்று இரவு 7.30 மணிக்கு தொடங்கிய முதல் போட்டியில் சென்னை சூப்பர் கிங்ஸ்- மும்பை இந்தியன்ஸ் அணிகள் மோதின.
கொரோனா காரணமாக கடந்த ஆண்டு முதல் ஐபிஎல் போட்டிகளில் ரசிகர்கள் அனுமதிக்கப்படாமல் இருந்த நிலையில், தற்போது ஐக்கிய அரபு அமீரகத்தில் மீண்டும் தொடங்கும் ஐபிஎல் தொடரை ரசிகர்கள் நேரில் காண அனுமதி அளிக்கப்பட்டுள்ளது.
இந்நிலையில்,இன்று இரவு 7.30 மணிக்கு அபுதாபியில் உள்ள ஷேக் சயீத் ஸ்டேடியத்தில் நடைபெறும் ஐபிஎல் போட்டியில் விராட் கோலி தலைமையிலான ராயல் சேலஞ்சர்ஸ் பெங்களூரு அணி மற்றும் மோர்கன் தலைமையிலான கொல்கத்தா நைட் ரைடர்ஸ் அணி நேருக்கு நேர் மோதுகின்றன.
இதற்கு முன்னதாக,ஐபிஎல் தொடரில் இரு அணிகளும் இதுவரை 28 முறை நேருக்கு நேர் மோதியுள்ளன.அதில் கேகேஆர் அணி 15 முறையும், ஆர்சிபி அணி 13 முறையையும் வெற்றி பெற்றுள்ளன.இதனால் இன்றைய போட்டியின் மீதான ரசிகர்களின் எதிர்பார்ப்பு அதிகரித்துள்ளது.
ஐபிஎல்லில் கடைசியாக இந்த இரு அணிகளும் விளையாடியபோது, ஆர்சிபி 204 ரன்கள் எடுத்து 38 ரன்கள் வித்தியாசத்தில் வெற்றி பெற்றது என்பது குறிப்பிடத்தக்கது.
KKR சாத்தியமான XI அணி: சுப்மன் கில், நிதிஷ் ராணா, ராகுல் திரிபாதி, சுனில் நரைன், இயோன் மோர்கன் (C), ஆண்ட்ரே ரஸ்ஸல், தினேஷ் கார்த்திக் (wk), லோக்கி பெர்குசன், சிவம் மாவி/கமலேஷ் நாகர்கோடி, பிரசித் கிருஷ்ணா, வருண் சக்கரவர்த்தி.
RCB சாத்தியமான XI அணி: விராட் கோலி (c), தேவதூத் படிக்கல், ரஜத் படிதார், க்ளென் மேக்ஸ்வெல், ஏபி டி வில்லியர்ஸ் (wk), ஷாபாஸ் அகமது/முகமது அசாருதீன், வானிந்து ஹசரங்கா, கைல் ஜேமிசன், ஹர்ஷல் பட்டேல், முகமது சிராஜ், யுஸ்வேந்திர சாஹல்.
