விமல் நடிப்பில் உருவாகியுள்ள கன்னிராசி திரைப்படத்தினை வெளியிட இடைக்கால தடை விதித்து உத்தரவிடப்பட்டுள்ளது.
நடிகர் விமல் நடிப்பில் நேற்று வெளியாகவிருந்த திரைப்படம் கன்னிராசி .இந்த படத்தின் தமிழ்நாடு,கேரளா, கர்நாடகா மற்றும் புதுச்சேரிக்கான விநியோக உரிமையை படத்தின் தயாரிப்பாளரான ஷமீன் இப்ராஹிம் மீடியா டைம்ஸ் நிறுவனத்திற்கு வழங்கியுள்ளார்.அதற்கு மீடியா டைம்ஸ் நிறுவனர் அல்டாப் ஹமீத் ரூ.17 லட்சத்தை தயாரிப்பாளருக்கு வழங்கியுள்ளார் .
தயாரிப்பாளர் அளித்த ஒப்பந்தத்தின் படி திரைப்படம் 2018-க்குள் வெளியாகவில்லை.இந்த நிலையில் படத்தினை நேற்று வெளியிட படக்குழுவினர் அறிவித்ததுடன், படத்தின் விநியோக உரிமையை வேறொரு நிறுவனத்திற்கு தயாரிப்பாளர் வழங்கியுள்ளார் .இதற்கு எதிர்ப்பு தெரிவித்து மீடியா டைம்ஸ் நிறுவனர் அல்டாப் ஹமீத் சென்னை மாநகர உரிமையியல் நீதிமன்றத்தில் வழக்கு தொடர்ந்தார்.
அதில் படத்தின் விநியோக உரிமைக்காக ரூ.17 லட்சத்தை தங்களிடம் பெற்று கொண்டு தற்போது அதனை வேறு நிறுவனத்திற்கு வழங்கியுள்ளதாகவும் ,எனவே தன்னிடம் பெறப்பட்ட தொகையுடன் வட்டியுடன் சேர்த்து ரூ.21 லட்சத்து 8 ஆயிரம் தயாரிப்பு நிறுவனம் வழங்கி வேறொரு நிறுவனம் மூலம் படம் வெளியிடுவதை தடை செய்யுமாறு கூறியிருந்தார்..
இதனை விசாரித்த நீதிமன்றம் ,கன்னிராசி படத்தை வெளியிட இடைக்கால தடை விதித்து உத்தரவிட்டதுடன் , இதுகுறித்து டிசம்பர் 7-ம் தேதிக்குள் விளக்கமளிக்குமாறு கிங் மூவி மேக்கர் நிறுவன தயாரிப்பாளர் ஷமீம் இப்ராஹிமுக்கு உத்தரவிடப்பட்டுள்ளது.
