இன்று பிரான்சில் இருந்து மேலும் 3 ரபேல் போர் விமானங்கள் இந்தியா வருகை
கடந்த 2016-ம் ஆண்டு பிரான்சில் இருந்து இந்திய விமானப்படைக்கு 36 ரபேல் போர் விமானங்களை வாங்க இரு நாட்டு அரசுகளுக்கு இடையேயான ஒப்பந்தம் கையெழுனது. இந்த விமானங்களை பிரான்சின் டசால்ட் என்ற நிறுவனம் தயாரித்து வருகிறது. இந்த 36 விமானங்களில் 6 விமானங்கள் பயிற்சி விமானங்கள், மற்ற விமானங்களில் இருப்பது போன்ற அனைத்து அம்சங்களும் பயிற்சி விமானங்களிலும் உள்ளது.
முதல் கட்டமாக கடந்தாண்டு ஜூலையில் 5 விமானங்களும், நவம்பரில் 3 விமானங்களும், இந்தாண்டு ஜனவரியில் 3 விமானங்கள் இந்திய வந்து சேர்ந்தன. இந்நிலையில், 4-வது கட்டமாக இன்று மேலும் 3 போர் விமானங்கள் ஒப்படைக்கப்பட உள்ளன. இந்த விமானங்கள் அம்பாலாவில் உள்ள விமானப் படைத்தளத்திற்கு பிற்பகல் வந்து சேரும் என எதிர்பார்க்கப்படுகிறது.
இன்று வரும் விமானங்களுடன் சேர்த்து விமானப் படையில் மொத்தமாக உள்ள ரபேல் விமானங்களின் எண்ணிக்கை 14 ஆக அதிகரித்துள்ளது.
