ஃபிஃபா உலகக்கோப்பையில் இரண்டாவது அரையிறுதியில் இன்று பிரான்ஸ் மற்றும் மொரோக்கோ அணிகள் மோதுகின்றன.
கத்தாரில் நடந்து வரும் ஃபிஃபா கால்பந்து உலகக்கோப்பை 2022 தொடர் இறுதிக்கட்டத்தை நெருங்கிவிட்டது. 32 அணிகளுடன் தொடங்கிய இந்த உலகக்கோப்பை தொடர் இறுதிப்போட்டியை நெருங்கவுள்ளது. நேற்று நடைபெற்ற முதல் அரையிறுதியில் அர்ஜென்டினா அணி 3-0 என்ற கோல் கணக்கில் குரோஷியாவை வீழ்த்தி முதல் அணியாக இறுதிப்போட்டிக்குள் நுழைந்தது.
இன்று நள்ளிரவு 12:30 மணிக்கு அல் பெய்த் ஸ்டேடியத்தில் நடைபெறும் இரண்டாவது அரையிறுதியில் நடப்பு சாம்பியனான பிரான்ஸ் மற்றும் மொரோக்கோ அணிகள் மோதுகின்றன. அனைவரின் விருப்ப அணியாக இருக்கும் பிரான்ஸ் இந்த உலகக்கோப்பையை வெல்லும் என்று கூறப்பட்டு வந்தாலும் முதல் ஆப்ரிக்க அணியான மொரோக்கோ இந்த உலகக்கோப்பையில் அரையிறுதி வரை வந்துள்ளது.
இந்த போட்டியில் வெல்லும் அணி, இறுதிப்போட்டியில் அர்ஜென்டினா அணியுடன் ஞாயிற்றுக்கிழமை லுஸைல் ஸ்டேடியத்தில் கோப்பையை வெல்ல மோதும்.
