ஃபிஃபா உலகக் கோப்பையில் இருந்து நான்கு முறை சாம்பியனான ஜெர்மனி அணி தொடரை விட்டு வெளியேறியுள்ளது.
கத்தாரில் நடந்து வரும் ஃபிஃபா கால்பந்து உலகக் கோப்பை தொடரில் தகுதி சுற்று ஆட்டத்தில் இன்று குரூப் இ பிரிவிலுள்ள ஜெர்மனி மற்றும் கோஸ்டா ரிக்கா அணிகள் மோதின. அல்பெய்த் ஸ்டேடியத்தில் இன்று அதிகாலை 12:30 மணிக்கு இந்த ஆட்டம் தொடங்கியது
ஆட்டம் தொடங்கிய பத்தாவது நிமிடத்தில் ஜெர்மனி அணியின் செர்ஜ் நப்ரி ஒரு கோல் அடித்தார். இதனால் முதல் பாதியின் முடிவில் ஜெர்மனி 1-0 என்ற கோல் கணக்கில் முன்னிலை வகித்தது. ஆட்டத்தின் இரண்டாவது பாதி தொடங்கி சில நிமிடங்களில் 58 வது நிமிடத்தில் கோஸ்டா ரிக்கா அணியின் எல்ட்சின் டெஜடா ஒரு கோல் அடித்து 1-1 என்று சமநிலை பெறச் செய்தார்.
அதன்பிறகு 73 மற்றும் 85 வது நிமிடத்தில் ஜெர்மனி அணிக்காக ஹாவர்ட்ஸ் அடுத்தடுத்து இரண்டு கோல்களை அடித்தார். ஆட்டத்தின் கடைசியில் 89 வது நிமிடத்தில் ஜெர்மனியின் நிக்கலஸ் ஃபுல்க்ருக் நான்காவது கோலை அடிக்க ஜெர்மனி 4-2 என்று கோஸ்டரிக்காவை வீழ்த்தியது.
இந்த போட்டியில் 4-2 என்று ஜெர்மனி அணி வெற்றி பெற்றிருந்தாலும், உலகக் கோப்பை தொடரிலிருந்து வெளியேறி இருக்கிறது. நான்கு முறை உலக சாம்பியன் பட்டம் வென்ற ஜெர்மனி அணி, குரூப் இ பிரிவில் நான்கு புள்ளிகளை மட்டுமே பெற்றுள்ளது. இதற்கு முன்னதாக ஸ்பெயினும் நான்கு புள்ளிகளை பெற்று கோல் வித்தியாசத்தில் ஜெர்மனி அணியை விட முன்னிலையில் இருப்பதால் ஸ்பெயின் குரூப்-இ ல் இருந்து இரண்டாவது அணியாக நாக் அவுட் சுற்றுக்கு முன்னேறி உள்ளது
இந்த நிலையில் குரூப்-இ வின் மற்றொரு ஆட்டத்தில் ஜப்பான், ஸ்பெயின் அணியை 2-1 என்ற கோல் கணக்கில் வெற்றி பெற்றதால் குரூப்-இ பிரிவிலிருந்து ஜப்பான் அணி நாக்கவுட் சுற்றுக்கு தகுதி பெற்றுள்ளது.
