குரங்கு கையில் சிக்கிய பூமாலை போல திமுக கையில் சட்டம் ஒழுங்கு சிக்கி தவிக்கிறது என ஜெயக்குமார் விமர்சனம்.
அதிமுக முன்னாள் அமைச்சர் ஜெயக்குமார் சென்னையில் செய்தியாளர்களுக்கு பேட்டி அளித்துள்ளார். அப்போது பேசிய அவர், பன்னிரண்டாம் வகுப்பு மாணவர்களில் 50 ஆயிரம் தமிழ் தேர்வு எழுதாது குறித்து, தமிழகத்தில் பள்ளிக்கல்வித்துறை சீரழிந்துள்ளது என தெரிவித்துள்ளார்.
ஜெயக்குமார் செய்தியாளர் சந்திப்பு
திமுக எம்.பி-க்கே பாதுகாப்பு இல்லாதபோது மக்களுக்கு எப்படி பாதுகாப்பு இருக்கும்; திருச்சி காவல்நிலையத்தில் புகுந்தே திமுகவினர் தாக்குதல் நடத்துகின்றனர். குரங்கு கையில் சிக்கிய பூமாலை போல திமுக கையில் சட்டம் ஒழுங்கு சிக்கி தவிக்கிறது.
நீட்டை ஒழிக்கிறோம், அதற்கான ரகசியம் எங்களுக்கு மட்டும் தான் தெரியும் என்றார்; 22 மாதங்களுக்குப் பிறகும் ரகசியம் சொல்லாமல் மக்களை ஏமாற்றுகின்றனர். நாடாளுமன்றத் தேர்தலுக்குத் தயாராகிக் கொண்டிருக்கிறோம்; ஈரோடு கிழக்கு தேர்தல், நாடாளுமன்றத் தேர்தலில் எதிரொலிக்காது. பாஜக தரப்பில் ஈபிஎஸ் உருவபொம்மை எரிக்கப்பட்டது குறித்து எச்சரிக்கை விடுத்துள்ளோம் என தெரிவித்துள்ளார்.
