தமிழகத்தின் 7 மாவட்டங்களில் அடுத்த 2 மணி நேரத்திற்குள் லேசான மழைக்கு வாய்ப்பு என்று சென்னை வானிலை ஆய்வு மையம் தகவல் தெரிவித்துள்ளது.
வளிமண்டல மேலடுக்கு சுழற்சி தென்மேற்குப் பருவக்காற்றால் 16 மாவட்டங்களில் இன்று கன மழைக்கு வாய்ப்பு என சென்னை வானிலை ஆய்வு மையம் ஏற்கனவே அறிவித்திருந்தது. அதன் படி தமிழகத்தில் பல்வேறு இடங்களில் பரவலாக மழை பெய்து வருகிறது.
இந்த நிலையில், அடுத்த 2 மணி நேரத்திற்குள் கடலூர், மயிலாடுதுறை, இராமநாதபுரம், அரியலூர், காஞ்சிபுரம், திருவண்ணாமலை, செங்கல்பட்டு ஆகிய 7 மாவட்டங்களில் லேசானது முதல் மிதமான மழைக்கு வாய்ப்பு என்று சென்னை வானிலை ஆய்வு மையம் தகவல் தெரிவித்துள்ளது.
