அதிமுக தலைமை அலுவலகத்தில் சிபிசிஐடி போலீசார் மீண்டும் விசாரணையில் ஈடுபட்டுள்ளனர்.
சென்னை ராயப்பேட்டையில் உள்ள அதிமுக தலைமை அலுவலகத்தில் சிபிசிஐடி போலீசார் மீண்டும் விசாரணையில் ஈடுபட்டு வருகின்றனர். ஜூலை 11-ல் அதிமுக அலுவலகத்தில் நடந்த கலவரம் தொடர்பாக ஏற்கனவே சிபிசிஐடி விசாரணை நடத்திய நிலையில், இன்று மீண்டும் விசாரணை நடத்தி வருகின்றனர். கடந்த ஜூலை 11-ஆம் தேதி அதிமுக பொதுக்குழு கூட்டம் சென்னையை அடுத்த வானகரத்தில் நடந்தபோது, தலைமை அலுவலகத்தில் ஓ.பி.எஸ், இ.பி.எஸ் ஆதரவாளர்கள் இடையே மோதல் ஏற்பட்டு வன்முறையாக மாறியது.
இந்த சமயத்தில் ஓபிஎஸ் மற்றும் அவரது ஆதரவாளர்கள் அலுவலகம் உள்ளே நுழைந்தனர். அப்போது ஏற்பட்ட பிரச்சனையில் அலுவலகத்தில் என்னென்ன சேதமடைந்துள்ளது என ஈபிஎஸ் தரப்பில் புகார் அளிக்கப்பட்டிருந்தது. இந்த வழக்கை சிபிசிஐடி-க்கு மாற்றப்பட்டுள்ளதாக சென்னை உயர்நீதிமன்றத்தில் தமிழக அரசு தெரிவித்திருந்தது. அதன்படி, அதிமுக அலுவலகம் வன்முறை தொடர்பான வழக்கை சிபிசிஐடி விசாரணை நடத்தி வருகிறது. இதுதொடர்பாக நேற்று சென்னையில் உள்ள சிபிசிஐடி அலுவலகத்தில் அதிமுக அலுவலக மேலாளர் மகாலிங்கம் ஆஜராகி விளக்கமளித்திருந்தார். இந்த நிலையில், 2வது முறை மீண்டும் அதிமுக அலுவலகம் சென்றுள்ள சிபிசிஐடி போலீசார் விசாரணையை மேற்கொண்டு வருகின்றனர்.
