சைபர் கிரைம் குற்றங்கள் குறித்து மக்களிடம் போதிய விழிப்புணர்வை ஏற்படுத்த வேண்டும் எனவும், வாட்ஸ் ஆப் குழுக்கள் கண்காணிக்கப்பட வேண்டும். தென் மாவட்ட காவல்துறை அதிகாரிகளுக்கு முதல்வர் மு.க.ஸ்டாலின் அறிவுறுத்தல்.
கள ஆய்வில் முதலமைச்சர் எனும் திட்டத்தின் கீழ் முதல்வர் மு.க.ஸ்டாலின் 2 நாள் பயணமாக நேற்று மதுரை வந்தார். வந்து பல்வேறு நிகழ்வுகளில் கலந்து கொண்டார். அப்போது தென் மாவட்ட காவல் அதிகாரிகளுடன் சட்ட ஒழுங்கு பற்றிய ஆய்வு கூட்டத்தில் கலந்து கொண்டார்.
சட்டம் ஒழுங்கு : இந்த ஆய்வு கூட்டத்தில் மதுரை, திண்டுக்கல், தேனி , சிவகங்கை, ராமநாதபுரம் ஆகிய மாவட்டங்களில் உள்ள காவல்துறை அதிகாரிகள் கலந்து கொண்டனர். இந்த ஆய்வு கூட்டத்தில் பேசிய முதல்வர் சட்டம் ஒழுங்கு பற்றிய பல்வேறு விஷயங்களை வலியுறுத்தினார்.
அனைவரும் சமம் : முதல்வர் கூறுகையில், போதைப்பொருள் நடமாட்டத்தை முற்றிலுமாகத் தடுக்க வேண்டும் என குறிப்பிட்டார். அடுத்து, காவல்நிலையத்திற்கு வருவோரை எளியவர், உயர்ந்தவர் என்ற வித்தியாசம் பார்க்காமல் அனைவரையும் சமமாக நடத்த வேண்டும் என கேட்டுகொண்டார்.
சைபர் குற்றங்கள் : மேலும், சைபர் கிரைம் குற்றங்கள் குறித்து மக்களிடம் போதிய விழிப்புணர்வை ஏற்படுத்த வேண்டும் எனவும், வாட்ஸ் ஆப் குழுக்கள் கண்காணிக்கப்பட வேண்டும் எனவும், தென் மாவட்ட காவல்துறை அதிகாரிகளுக்கு முதல்வர் மு.க.ஸ்டாலின் அறிவுறுத்தினார்.
