பெங்களூருவில் அரசியல் கூட்டத்தில் பாஜக – காங்கிரஸ் கட்சியினர் இடையே மோதல் ஏற்பட்டது.
கர்நாடகாவில் சட்டப்பேரவை தேர்தல் நெருங்குவதை அடுத்து அங்கு தேர்தல் வேலைகளில் பிரதான அரசியல் கட்சிகள் தீவிரமாக ஈடுபட்டு வருகின்றனர். இதனால் கர்நாடகா அரசியல் களம் தீவிரமாக இயங்கி வருகிறது.
பாஜக கூட்டம் :
நேற்று, பாஜக சார்பில் மகளிர் பொதுக்கூட்டம் நிகழ்ச்சி, பெங்களூருவில் உள்ள பிஜிஎஸ் மைதானத்தில் நடைபெற்றது. அப்போது அந்த நிகழ்ச்சிக்கு பாஜகவினர் பேனர்கள் அமைப்பதற்கு காங்கிரஸ் கட்சியினர் எதிர்ப்பு தெரிவித்ததாக கூறப்படுகிறது.
இருகட்சியினர் மோதல் :
அப்போது பாஜக – காங்கிரஸ் தொண்டர்களிடையே மோதல் ஏற்பட்டது. இந்த மோதலில் இரு கட்சியினரும் ஒருவரையொருவர் கற்களை வீசியும், கட்டையால் தாக்கி கொண்டனர் இதனால், அங்கு போலீசார் குவிக்கப்ட்டனர். பின்னர் சம்பந்தப்பட்டவர்கள் மீது வழக்குப்பதிவு செய்யப்பட்டு கூட்டம் கலைக்கப்பட்டது.