தமிழகத்தில் ஊரடங்கை மீறி வெளியே சுற்றிய 4,20,688 வாகனங்கள் பறிமுதல் செய்யப்பட்டு, ரூ.763 கோடி அபராதம் வசூல் செய்யப்பட்டுள்ளது.
தமிழகத்திலும் கொரோனா தாக்கம் அதிகரித்து வருவதால் மே 31 ஆம் தேதி வரை பொதுமுடக்கம் அமல்படுத்தப்பட்டுள்ளது. இதனால் பொதுமக்கள் வெளியே வராத வண்ணம் போலீசார் தீவிர பாதுகாப்பு பணியில் ஈடுபட்டுள்ளனர். அவசியமின்றி வெளியை சுற்றித்திரியும் நபர்கள் மீது பல்வேறு நடவடிக்கையும் எடுத்து வருகின்றனர். இந்த நிலையில் தமிழகத்தில் ஊரடங்கை மீறி வெளியே சுற்றிய 4,20,688 வாகனங்கள் பறிமுதல் செய்யப்பட்டு, ரூ.763 கோடி அபராதம் வசூல் செய்யப்பட்டுள்ளது.
மேலும் தடையை மீறி வாகனங்களில் வெளியே சுற்றிய 5,26,507 பேர் கைது செய்யப்பட்டு, ஜாமீனில் விடுவிக்கப்பட்டுள்ளன. தமிழகத்தில் இதுவரை 4,94,770 வழக்குகள் பதிவாகியுள்ளன என்று காவல்துறை தெரிவித்துள்ளது. இருப்பினும், சிறிது நாட்களுக்கு பிறகு வாகன உரிமையாளர்கள் தினசரி அந்தந்த எல்லைக்குட்பட்ட காவல் நிலையத்தில் ஆவணங்களை சரிபார்க்கப்பட்டு, பின்னர் வாகனங்கள் திரும்ப ஒப்படைக்கப்பட்டு வருகிறது.
வாகனம் பெற வரும்போது எப்ஐஆர் நகல் மற்றும் ஓட்டுனர் உரிமம் அசல் மற்றும் நகல், வாகனத்தின் ஆர்.சி.புத்தகம் அசல் மற்றும் நகல் கொண்டு வர வேண்டும் என்பது குறிப்பிடத்தக்கது.
