- சிகாகோவில் உள்ள மிட்வே விமான நிலையத்தில் இறங்கியபோது திடீரென வலிப்பு ஏற்பட்டது.
- முதலுதவி கொடுக்கப்பட்டு மருத்துவமனை செல்லும் வழியிலேயே இறந்து விட்டார்.
அமெரிக்காவை சேர்ந்த 21 வயதான ராப் பாடகர் ஜரத் அந்தோணி ஹிக்கின்ஸ். இவரை ரசிகர்கள் “ஜூஸ் வேர்ல்ட்” என்று அழைக்கப்படுவார். இவர் அதிகமாக இறப்பு மற்றும் போதைப்பொருள் ஆகியவற்றை மையமாக வைத்து பாடிய ராப் பாடல்கள் மிகவும் பிரபலமானவை. இதனால் இவருக்கு ஏராளமான ரசிகர் பட்டாளம் உள்ளனர்.
இந்த நிலையில் கடந்த ஞாயிற்றுக்கிழமை ஜரத் அந்தோணி கலிபோர்னியாவில் இருந்து சிகாகோவுக்கு விமானத்தில் சென்று உள்ளார்.அப்போது சிகாகோவில் உள்ள மிட்வே விமான நிலையத்தில் இறங்கியபோது திடீரென வலிப்பு ஏற்பட்டது.
இதை தொடர்ந்து உடனடியாக விமான நிலையத்தில் இருந்த மருத்துவமனையில் அனுமதிக்கப்பட்டு முதலுதவி கொடுத்தனர். பின்னர் ஜரத் அந்தோணியை அருகில் உள்ள மருத்துவமனைக்கு கொண்டு சென்றனர்.ஆனால் மருத்துவமனை செல்லும் வழியிலேயே இறந்து விட்டார்.
வலிப்பு வந்த பின் அவருக்கு மாரடைப்பும் ஏற்பட்டதால் தான் உயிரிழந்ததாக மருத்துவர்கள் கூறினர். இவரின் திடீர் மரணம் அவரது ரசிகர்கள் மத்தியில் பெரும் சோகத்தில் ஏற்படுத்தி உள்ளது.
