கோடம்பாக்கத்தில் உள்ள ராகவேந்திரா மண்டபத்தில் ரஜினி மக்கள் மன்ற மாவட்ட செயலாளர்கள் ஆலோசனை கூட்டம் நடைபெற்றது. அந்தக் கூட்டத்தில் ரஜினி ரசிகர்கள் பலர் அங்கு திரண்டிருந்தனர். அதில் பிரபல ரஜினி ரசிகர் பிஜிலி ரமேஷும் வந்திருந்தார். பின்னரே செய்தியாளர்களிடம் பேசிய பிஜிலி, 2021-ம் ஆண்டு ரஜினி ஆட்சி வருவது கன்ஃபார்ம் என்றும் இரண்டு திராவிட கட்சிகளும் வயதில் ஏற்கனவே நாடி நரம்பெல்லாம் ஆடிப்போயுள்ளனர் என்று அவர் பாணியில் கூறினார். மேலும் யூட்யூபில் நான் ட்ரெண்டான பிறகு ரஜினிகாந்த் அவர்களைச் சந்திக்கக் கூடிய வாய்ப்பு கிடைக்கவில்லை எனவும் விரைவில் அந்த வாய்ப்பு கிடைக்கும் என தெரிவித்தார். ரஜினிகாந்த் ஆட்சிக்கு வந்தால் பெண்கள் பாதுகாப்பு, வன்முறை உள்ளிட்ட விஷயங்களில் கவனம் செலுத்தி தடுத்து நிறுத்துவார். 2021ல் ரஜினி ஆட்சி நிச்சயம் உண்டு என நம்பிக்கையுடன் தெரிவித்தார்.
