- இந்திய அணி அடுத்தமாதம் (ஜனவரி ) இலங்கை மற்றும் ஆஸ்திரேலியா அணிகளுக்கு எதிரான தொடர்களில் விளையாட உள்ளனர்.
- இந்த தொடருக்கான இந்திய அணி அறிவிப்பு இன்று அறிவிக்கப்பட உள்ளது.
இந்திய அணி, நேற்று வெஸ்ட் இண்டீஸ் அணிக்கு எதிரான 3-வது ஒருநாள் போட்டியில் வெற்றி பெற்று ஒருநாள் தொடரை 2-1 என்ற கணக்கில் கைப்பற்றியது.இந்நிலையில் இந்திய அணி அடுத்தமாதம் (ஜனவரி ) இலங்கை மற்றும் ஆஸ்திரேலியா அணிகளுக்கு எதிரான தொடர்களில் விளையாட உள்ளனர்.
இந்த தொடருக்கான இந்திய அணி அறிவிப்பு இன்று அறிவிக்கப்பட உள்ளது. இந்நிலையில் ஆஸ்திரேலியாவுக்கு எதிரான ஒருநாள் தொடரில் பும்ரா இடம் பெறுவார் என தகவல்கள் வெளியாகி உள்ளது. இன்று நடைபெறும் தேர்வுக்குழு கூட்டத்தில் இந்திய அணியின் கேப்டன் விராட் கோலி வீடியோ கான்பரன்சில் கலந்துகொண்டு முடிவு செய்வார் என கூறப்படுகிறது.
இத்தொடருக்கு முன் ரஞ்சி கோப்பை போட்டி ஒன்றில் பும்ரா அவர் விளையாட வேண்டும் என தேர்வு குழுவினர் அறிவுறுத்தியுள்ளனர். அதேபோன்று ஷிகர் தவானும் மீண்டும் களம் திரும்புவார் என கூறப்படுகிறது. அதனால் அவரும் ரஞ்சி போட்டியில் விளையாட வேண்டும் என்பது குறிப்பிடத்தக்கது.
