தமிழ் சினிமாவின் பிரபல நடிகர்களான அஜித் மற்றும் ரஜினி நடித்து வெளியான பேட்ட மற்றும் விசுவாசம் படமானது கடந்த மாதம் ஜன.10ம் தேதி வெளியானது. படம் வெளியானதில் இருந்து சென்னை வசூலில் பேட்ட படம் முதலிடத்திலும், தமிழக வசூலில் விசுவாசம் படம் முதலிடத்திலும் இருந்து வந்துள்ளது.
இந்நிலையில் இரண்டு படங்களும் ரிலீசாகி 25 நாட்கள் முடிவடைந்த நிலையில் இந்த இரண்டு படங்களின் சென்னை பாக்ஸ் ஆபீஸ் வசூல் நிலவரங்கள் வெளியாகி உள்ளது. இதில் ரஜினியின் பேட்ட படம் ரூ.14.92 கோடி வசூல் செய்து முதலிடத்தில் உள்ளது. அஜித்தின் விசுவாசம் படம் ரூ.12.41 கோடி வசூல் செய்துள்ளது.