ரியாத் 2024 கிளப் போட்டி நேற்றுடன் முடிவடைந்து உள்ளது. நேற்று நடந்த கிளப்பின் இறுதி போட்டியில் அல்-ஹிலால் மற்றும் அல்-நாசர் அணியை எதிர்கொண்டது. இதில் அல்-நாசர் அணியை 2-0 என்ற கோல் கணக்கில் அல் -ஹிலால் அணி வெற்றி பெற்றது.
#IPL2024 :சென்னை அணிக்கு புதிய ஸ்பான்சர் யார் தெரியுமா..? அதிகாரபூர்வ ஜெர்சி வெளியானது..!
இந்த ஆட்டம் தொடங்கும் முன் மைதானம் திடீரென இருட்டாக மாறியது, 5 நொடி அமைதிக்கு பிறகு மாஸாக எண்ட்ரி கொடுத்து அனைவரையும் இன்ப அதிர்ச்சியில் ஆழ்த்தினார் WWE சூப்பர்ஸ்டாரான `தி அண்டர்டேக்கர்’. அவருக்கென இருக்கும் BGM மைதானத்தில் ஒளிபரப்பட்டது, அவருக்கென உள்ள ஸ்லொவ் வாக் (Slow Walk) என்ட்ரியை கொடுத்து, ரியாத் கோப்பையை கையில் ஏந்தியவாறு மைதானத்தில் நடந்து வந்தார்.
மைதானத்தில் இருந்த அவரின் ரசிகர்களும், கால்பந்து ரசிகர்களும் இன்ப அதிர்ச்சியில் ஆழ்ந்தனர். அல் -நாசர் அணிக்காக விளையாடிய கால்பந்து நட்சித்திர வீரரான கிறிஸ்டியானோ ரொனால்டோ இதை கண்டவுடன் சிரிப்பை அடக்க முடியாமல் சிரித்தார். அந்த வீடியோ சமூக வலைத்தளத்தில் வைரலாகி வருகிறது.
அதன் விளையாட்டு தொடங்கியது, விறுவிறுப்பாக நடந்த இந்த ஆட்டம் முழுவதும் அல் -ஹிலால் அணி தங்களது பக்கம் தக்க வைத்திருந்தது. எந்த ஒரு தருணத்திலும் எதிரணியை கோல் அடிக்க விடாமல் பாதுகாத்தனர். ஆட்டத்தின் 17 வது நிமிடத்தில் அல் – ஹிலால் வீரரான செர்ஜஜ் மிலின்கோவிச்-சாவிக் முதல் கோலை அடித்தட்டு அசத்தினார்.
அதன் பின் ஆட்டத்தின் 30 வது நிமிடத்தில் அல்-ஹிலால் அணி வீரர் சலீம் அல்-தவ்சாரி அணிக்கான இரண்டாவது கோலை அடித்து அசத்தினர். அதன் பிறகு எந்த ஒரு வீரராலும் கோல் அடிக்க முடியாமல் ஆட்டம் நிறைவு பெற்றது. இதனால் அல் -ஹிலால் அணி 2-0 என்ற கணக்கில் இந்த போட்டியில் வெற்றி பெற்று ரியாத் கோப்பையும் வென்றது.
