நடிகர் விஷ்ணு விஷாலிற்கும் அவரது காதலி மற்றும் பேட்மிண்டன் வீராங்கனை ஜூவாலா கட்டாவிற்க்கும் ஹைதராபாத்தில் திருமணம் முடிந்துள்ளது.
தமிழ் சினிமாவில் வெண்ணிலா கபடி குழு என்ற படத்தின் மூலம் அறிமுகமானவர் நடிகர் விஷ்ணு விஷால். இவருக்கும் நடிகர் கே.நட்ராஜின் மகளான ரஜினி நடராஜ் என்பவருக்கும் கடந்த 2010 ஆம் ஆண்டு திருணம் நடந்தது. திருமணம் ஆன சில ஆண்டுகளில் சில காரணங்களால் விஷ்ணு விஷால் விவாகரத்து செய்தார்.
இதனை தொடர்ந்து பேட்மிண்டன் வீராங்கனை ஜூவாலா கட்டாவை காதலிப்பதாக விஷ்ணு விஷால் தனது சமூக வலைதளப் பக்கங்களில் தெரிவித்தார். கடந்த ஆண்டு ஜூவாலா கட்டாவின் பிறந்த நாள் அன்று இவர்கள் இருவருக்கும் நிச்சயதார்த்தம் நடந்தது. மேலும் நிச்சியதார்த்தை தொடர்ந்து நேற்று ஹைதராபாத்தில் வைத்து இவர்கள் திருமணம் நடைபெற்றது. விஷ்ணு விஷால் திருமணத்திற்கு அவரது ரசிகர்கள் பல சினிமா பிரபலங்கள் தங்களது வாழ்த்துக்களை தெரிவித்தனர்.
இந்நிலையில் திருமணம் முடிந்த பிறகு விஷ்ணு விஷால் அளித்த பேட்டியில் அவர் கூறியது ” நாங்கள் பதிவு திருமணம் செய்து கொண்டோம். ஆனால் நாங்கள் ஹால்டி மற்றும் மெஹெண்டி போன்ற பாரம்பரிய விழாக்களை இரண்டு நாட்களாக திருமண நாளிலும் அதற்கு முந்தைய நாளிலும் வைத்திருந்தோம். எங்களுக்கு நெருக்கமான குடும்பத்தினர் மற்றும் ஒரு சில நண்பர்கள் மட்டுமே கலந்து கொண்டனர். கொரோனா வைரஸ் பரவல் காரணமாக நாங்கள் பிரமாண்டமாக திருமணத்தை கொண்டாடவில்லை நாம் பொறுப்பாக இருக்க வேண்டும், தற்போது நம் நாட்டில் என்ன நடக்கிறது என்பதை புறக்கணிக்க முடியாது” என்றும் கூறியுள்ளார்.
