நமது படுக்கை விரிப்புகள் மற்றும் படுக்கை தலையணைகளை விட நமது வீட்டின் கழிப்பறைகள் தூய்மையானவை மற்றும் கிருமிகள் இல்லாதவை என ஒரு ஆய்வில் நிரூபிக்கப்பட்டுள்ளது.
படுக்கை விரிப்புகள் மற்றும் தலையணைகளில் வளரும் பாக்டீரியாக்கள்
க்யூரியஸ்காஸ்ட் நெட்வொர்க்கில் சூப்பர் அற்புதமான அறிவியல் நிகழ்ச்சியைத் தொகுத்து வழங்கும் ஜேசன் டெட்ரோ என்ற நுண்ணுயிரியல் நிபுணரின் கூற்றுப்படி, மில்லியன் கணக்கான பாக்டீரியாக்கள் நமது படுக்கை விரிப்புகளில் வளர்கின்றன என தெரிவித்துளளார்.
படுக்கை விரிப்பு
சமீபத்திய ஆய்வின் போது, சிலர் தங்கள் வீடுகளில் 4 வாரங்கள் பயன்படுத்திய புதிய படுக்கை விரிப்புகள் மற்றும் தலையணையை வைத்து ஆய்வு மேற்கொள்ளப்பட்டது. அந்த படுக்கை விரிப்புகள் மற்றும் தலையணையை நுண்ணோக்கியை வைத்து ஆய்வு செய்தனர்.
ஒரு மாதம் பயன்படுத்தப்பட்ட படுக்கை விரிப்பில் 10 மில்லியனுக்கும் அதிகமான பாக்டீரியாக்கள் இருக்கலாம் என ஆய்வில் தெரியவந்துள்ளது. இந்த பாக்டீரியாக்களின் எண்ணிக்கை உங்கள் டூத் பிரஷ் ஸ்டாண்டில் உள்ள பாக்டீரியாக்களின் எண்ணிக்கையை விட 6 மடங்கு அதிகம்.
அதேபோல், 3 வார படுக்கை விரிப்பில் 90 லட்சம் பாக்டீரியாவும், 2 வார படுக்கை விரிப்பில் 50 லட்சம் பாக்டீரியாவும், 1 வார படுக்கை விரிப்பில் 45 லட்சம் பாக்டீரியாவும் இருக்கலாம் என தெரிவிக்கப்பட்டுள்ளது.
தலையணை
நமது படுக்கை விரிப்பை விட நமது தலையணையில் அதிகமான அழுக்குகள் காணப்படுகிறது. நமது முகம் மற்றும் முடி தலையணையில் இருப்பதால், வியர்வை மற்றும் இறந்த சரும செல்கள் அதில் ஒட்டிக்கொள்ளும்.
4 வார பயன்படுத்தப்பட்ட தலையணை உறையில் 12 மில்லியன் பாக்டீரியாக்கள் உள்ளன. 1 வாரம் பயன்படுத்தப்பட்ட தலையணை உறையில் சுமார் 5 மில்லியன் பாக்டீரியாக்கள் உள்ளன. இந்த கிருமிகளை நமது படுக்கை விரிப்புகளிலும் கொண்டு வருவதற்கு நாம் மட்டுமே பொறுப்பு. எனவே ஒவ்வொரு வாரமும் படுக்கை விரிப்புகள் மற்றும் தலையணை உறைகளை மாற்ற வேண்டும் என்று மருத்துவர்கள் அறிவுறுத்துகின்றனர்.
