காதலி ஜாஸ்மினை கரம் பிடித்தார் சித்தார்த் மல்லையா..! வைரலாகும் க்யூட் கிளிக்ஸ்!

இந்தியாவின் மிகப்பெரிய தொழிலதிபர்களில் ஒருவராக வலம் வந்தவர் தான் விஜய் மல்லையா. இவர் தொழிலுக்காக வங்கிகளில் எக்கச்சக்கமான கடன்களையும் வாங்கி இருந்தார். ஒரு கட்டத்தில் கடன் அதிகமானதால் லண்டனில் குடும்பத்தினருடன் செட்டில் ஆனார்.

விஜய் மல்லையாவுக்கு சித்தார்த் மல்லையா என்கிற மகன் உள்ளார்.  சித்தார்த், பாலிவுட் நடிகர் ஆவார். மேலும், இவர் பாலிவுட் நடிகைகளுடன் அவ்வப்போது காதல் கிசுகிசுவிலும் சிக்கி இருக்கிறார் என்பது குறிப்பிடத்தக்கது.

குறிப்பாக பாலிவுட் நடிகை தீபிகா படுகோனேவும் சித்தார்த்தும் சில ஆண்டுகள் காதலித்து வந்தனர். அதன் பிறகு இருவரும் காதலை முறித்து கொண்டு பிரிந்தனர்.  அதன் பின் தீபிகா படுகோன் பாலிவுட் நடிகரான ரன்வீர் சிங்கை காதலித்து திருமணம் செய்து கொண்டார்.

தற்போது, கடந்த சனிக்கிழமை அன்று சித்தார்த் மல்லையா அவர் காதலித்த பெண்ணான ஜாஸ்மினை மனம் முடித்துள்ளார். சித்தார்த்தும், ஜாஸ்மின் என்பவரும் கடந்த சில ஆண்டுகளாக காதலித்து வந்தனர். கடந்த ஆண்டு நவம்பர் மாதம் இருவருக்கும் திருமணம் நிச்சயமானது.

அதிலும், அமெரிக்காவில் புகழ்பெற்ற பண்டிகைகளில் ஒன்றான ஹாலோவீன் திருவிழாவின் போது இருவரும் மோதிரம் மாற்றிக் கொண்டு நிச்சயம் செய்து கொண்டனர். அந்த புகைப்படங்களும் அப்போது வைரலாக பரவி வந்தது.

இதனால், கடந்த சனிக்கிழமை அன்று லண்டனில் ஜாஸ்மினை கரம் பிடித்தார் சித்தார்த். இந்த காதல் ஜோடியின் திருமணத்திற்கு நெருங்கிய உறவினர்களும், நண்பர்களும் மட்டுமே கலந்து கொடுள்ளனர்.