இந்தியா மற்றும் தென்னாப்பிரிக்கா அணிகள் இடையேயான மூன்று டி 20 போட்டிகள் கொண்ட தொடரின் மூன்றாவது போட்டியானது இன்று பெங்களூர் சின்னசாமி மைதானத்தில் நடைப்பெற்றது. இதில் டாஸ் வென்ற இந்திய அணி கேப்டன் விராட்கோலி முதலில் பேட்டிங்கை தேர்வு செய்தார்.
இந்திய அணி ஆட்டத்தின் தொடக்க முதல் சொதப்பலான ஆட்டத்தை வெளிப்படுத்தி 20 ஓவர்கள் முடிவில் 9 விக்கெட் இழப்பிற்கு 134 ரன்கள் குவித்தனர். இதன் பின் களமிறங்கிய தென்னாப்பிரிக்க அணியின் தொடக்க வீரர் டி காக் மட்டும் 79 ரன்கள் குவித்து 9 விக்கெட் வித்தியாசத்தில் வெற்றியை பெற்றனர்.
இப்போட்டியில் பங்கேற்றதன் மூலம் ஹிட் மேன் ரோகித் சர்மா இந்திய அணிக்காக அதிக இருபது ஓவர் போட்டிகளில் விளையாடிய வீரர் பட்டியலில் 98 போட்டிகளுடன் முதலிடத்தினை பிடித்திருந்த தல தோனியின் சாதனையை சமன் செய்துள்ளார்.
