புரட்சி தளபதி என்று அழைக்கப்படும் நடிகர் விஷால் தற்போது நடிகர் சங்கத்தின் பொதுச்செயலாளராக இருக்கிறார். மேலும் தயாரிப்பாளர் சங்கத்தில் தலைவராக போட்டியிட்டு வென்றார்.எனினும் அவர் தலைமையிலான அணி மீது தொடர்ந்து வந்த குற்றச்சாட்டால் தயாரிப்பாளர் சங்கத்தின் நிர்வகிக்கும் உரிமையை சேகர் என்பவரிடம் ஒப்படைத்து தமிழக அரசு தற்போது ஆணை பிறப்பித்தது.இந்நிலையில்யோகிபபுவின் தர்மபிரபு படத்தின் இசை வெளியீட்டு விழாவில் தயாரிப்பாளர் அம்மா கிரியேஷன்ஸ் சிவா தமது கருத்துக்களை எடுத்துரைத்தார். இதில் அவர் கூறியதாவது, தயாரிப்பாளர்கள் அனைவரும் அனாதையாக இருக்கிறோம்.
இந்த பிரச்சனை கூடியவிரைவில் மாறிவிடும்.என் குழந்தைகளுக்கு என்ன பிரச்சனை என்பது எனக்கு தான் தெரியும். படத் தயாரிப்பையே தொழிலாக செய்பவர்கள் தான் தயாரிப்பாளர் சங்கத்திற்கு தலைவராக இருக்க வேண்டும்.படம் தயாரிக்கும் எல்லோரும் தயாரிப்பாளர் ஆவது இல்லை.
தன்னை நடிக்க வைத்து தானே படம் தயாரிப்பவர்கள் தயாரிப்பாளர்கள் என முழுமையாக சொல்லிவிட முடியாது. எதைப்பற்றியும் கவலை படாத தலைவர். தமிழ் ராக்கர்ஸை 6 மாதங்களில் ஒழித்துகட்டுவேன் என சொன்னவர்களை காணோம் எனநடிகர் விஷாலை கடுமையாக சாடியுள்ளார்.இதனால் தயாரிப்பாளர் சங்கம் கடு குழப்பத்தில் உள்ளது.
