இயக்குனர் மிஷ்கின் இயக்குனர் சேரனை வைத்து யுத்தம் செய் எனும் திரைப்படத்தை இயக்கி இருந்தார். இந்த திரைப்படம் ரசிகர்களுக்கு மத்தியில் நல்ல வரவேற்பு பெற்று விமர்சன ரீதியாக பெரிய வெற்றியை பெற்றது. வழக்கமாகவே மிஷ்கின் இயக்கும் படங்களில் நடிப்பவர்கள் அவருடைய படத்தில் நடிப்பது கஷ்டம் எனவும் படப்பிடிப்பு தளங்களில் கோபமாக நடந்து கொள்வார் எனவும் கூறியதை பார்த்திருப்போம்.
இதனால் படப்பிடிப்பு தளத்தில் சிலருடன் மிஷ்கினுக்கு முரண்பாடும் ஏற்பட்டுள்ள தகவலை பலரும் கூறி நாம் பார்த்திருப்போம் . அப்படி தான் இயக்குனர் மிஷ்கினுக்கும் இயக்குனர் சேரனுக்கும் ‘யுத்தம் செய்’ படப்பிடிப்பு சமயத்தில் முரண்பாடு ஏற்பட்டதாக கூறப்படுகிறது. யுத்தம் செய் படத்தின் படப்பிடிப்பின் போது தன்னுடைய உதவியாளர்களை மிஷ்கின் கெட்ட வார்த்தையால் திட்டிக் கொண்டிருந்தாராம்.
அந்த சமயம் இயக்குனர் சேரன் நான் பக்கத்தில் இருக்கிறேன் கொஞ்சம் பார்த்து திட்ட சொல்லுங்கள் என கூறினாராம். அதனை போய் அந்த உதவி இயக்குனர் மிஷ்கினிடம் கூற அதற்கும் சேர்த்து அந்த உதவியாளரை அவர் திட்டினாராம். பிறகு மிஷ்கின் நேராக சேரனிடம் சென்று அண்ணா நான் உங்களை திட்டவில்லை, அப்படி உங்களை திட்ட வேண்டும் என்றால் நான் சுற்றி எல்லாம் திட்ட மாட்டேன் உங்களிடமே நேரா வந்து திட்டுவேன்.
உங்களுக்கு திட்டு இருக்கிறது என்றால் கண்டிப்பாக நான் திட்ட தான் செய்வேன் . மற்றபடி எனக்கு பின்னாடி பேசி எல்லாம் பழக்கம் இல்லை என்பது போல கூறினாராம். இதனால் சேரன் முகம் சுழித்து கொண்டாராம். பிறகு படம் வெற்றியடைந்த பின் மிஷ்கின் தன்னுடைய உதவி இயக்குனர்கள் அனைவரையும் அழைத்து ஒரு பார்ட்டி வைத்து மது குடித்துக் கொண்டு நடனம் ஆடினார்களாம். அந்த பார்டிக்கு சேரனையும் அழைக்க அவர் தன்னுடைய உதவி இயக்குனர்களுடன் வருகை தந்தாராம்.
குடித்துவிட்டு நடனம் ஆடி கொண்டிருந்த மிஷ்கின் மற்றும் அவருடைய உதவி இயக்குனர்கள் ஆகியோரை பார்த்த சேரனுக்கு அதிர்ச்சியாக என்ன இப்படி எல்லாம் செய்கிறீர்கள்? என்பது போல அரண்டு போய் கேட்டாராம். பின் மிஷ்கின் வாங்க அண்ணா மது குடிங்க என கேட்டுக்கொண்டாராம். அதற்கு சேரன் ‘நான் குடித்து பழக்கம் இல்லை குடிக்க மாட்டேன்’ என மறுப்பு தெரிவித்துள்ளார். அதன் பிறகு படத்தை பார்த்துவிட்டு அந்த எமோஷனலில் இயக்குனர் மிஷ்கினை சேரன் கட்டி அணைத்துக் கொண்டாராம். இந்த தகவலை இயக்குனர் மிஷ்கினே சமீபத்திய பேட்டி ஒன்று தெரிவித்துள்ளார்.
