இந்தியா மற்றும் இங்கிலாந்து அணிகளுக்கு இடையே 5 போட்டிகள் கொண்ட டெஸ்ட் தொடர் தொடங்கி நடைபெற்று வருகிறது. இந்த டெஸ்ட் தொடரின் முதல் போட்டி இன்று ஹைதராபாத்தில் உள்ள ராஜீவ் காந்தி சர்வதேச மைதானத்தில் நடைபெற்று வருகிறது. இந்த போட்டியில் டாஸ் வென்ற இங்கிலாந்து அணி பேட்டிங்கை தேர்வு செய்தது.
அதன்படி, முதலில் இங்கிலாந்து அணியில் களமிறங்கிய சாக் க்ராலி 20, பென் டக்கெட் 35 ரன் எடுத்தனர். அடுத்ததாக ஒல்லி போப் 1 ரன்கள், ஜோ ரூட் 29, ஜானி பேர்ஸ்டோவ் 37 ரன்கள் எடுத்தனர். பென் ஃபோக்ஸ் 4 ரன்கள் எடுத்து ஆட்டமிழந்து வெளியேறினார். தொடர்ச்சியாக விக்கெட் விழுந்த காரணத்தால் இங்கிலாந்து அணி தனது முதல் இன்னிங்கிஸிலே தடுமாறியது.
இருப்பினும், கேப்டன் ஸ்டோக்ஸ் களத்தில் நின்று கொண்டு 70 ரன்கள் குவித்தார். இறுதியாக இங்கிலாந்து அணி 64.3 ஓவர்களில் 10 விக்கெட்களை இழந்து 246 ரன்கள் மட்டுமே எடுத்துள்ளது. அதிகபட்சமாக முதல் இன்னிங்ஸில் இங்கிலாந்து அணியின் பேட்டிங்கை பொறுத்தவரையில் ஸ்டோக்ஸ் 70, பேர்ஸ்டோவ் 37, டக்கெட் 35, ரன்கள் எடுத்துள்ளனர்.
INDvsENG: அனில் கும்ப்ளே ஹர்பஜன் சிங் சாதனையை ஓரம் கட்டிய அஸ்வின் – ஜடேஜா!
அதனை போலவே, இந்திய அணியின் பந்துவீச்சை பொறுத்தவரையில், ரவீந்திர ஜடேஜா 3, அஷ்வின் 3, அக்சர் படேல் , பும்ரா ஆகியோர் தலா 2 விக்கெட்களையும் வீழ்த்தியுள்ளார்கள். இங்கிலாந்து அணி தங்களுடைய முதல் 246 ரன்கள் எடுத்து இருக்கும் நிலையில், இந்திய அணி அடுத்ததாக தங்களுடைய முதல் இன்னிங்ஸை தொடங்கியுள்ளார்கள்.
