தொழில்நுட்ப நிறுவனமான மெட்டா அதன் வாட்ஸ்அப் பயன்பாட்டில் தனது பயனர்களுக்காக பல புதிய அப்டேட்டுகளை அவ்வப்போது வெளியிட்டு வருகிறது. அவ்வாறு அறிமுகமாகும் அப்டேட்டுகள் அதன் பிற பயன்பாடுகளான பேஸ்புக் மற்றும் இன்ஸ்டாகிராம் போன்ற சமூக ஊடகங்களை ஒன்றாக இணைக்கும் நோக்கிலும் இருக்கும்.
அந்த வகையில் கடந்த மே 1ம் தேதி பயனர்கள் தங்கள் வாட்ஸ்அப்பில் பதிவிடும் ஸ்டேட்டஸை பேஸ்புக்கில் ஷேர் செய்யக்கூடிய அம்சத்தை அறிமுகப்படுத்தியது. இந்த அம்சத்தினால் நீங்கள் வாட்ஸ்அப்பில் ஸ்டேட்டஸ் வைத்தவுடன் அதே ஸ்டேட்டஸை உங்கள் பேஸ்புக் ஸ்டோரிலும் ஷேர் செய்து கொள்ளலாம்.
போட்டோ மட்டுமல்ல இனி ஸ்டேட்டஸிலும் HD.! வாட்ஸஅப்பின் அசத்தல் அம்சம்.!
ஒரு முறை உங்கள் பேஸ்புக் கணக்கை இணைத்து விட்டீர்கள் என்றால் நீங்கள் ஒவ்வொரு முறை ஸ்டேட்டஸ் வைக்கும் பொழுது தானாகவே பேஸ்புக் ஸ்டோரில் பதிவாகிவிடும். இந்த அம்சத்தை இன்னும் மேம்படுத்தும் நோக்கிலும் மெட்டா அதன் பயன்பாடுகளை ஒருங்கிணைக்கும் எண்ணத்திலும் இப்போது ஒரு அம்சத்தை வெளியிட்டு உள்ளது.
அதன்படி, பேஸ்புக்கில் ஸ்டேட்டஸ் ஷேர் செய்வது போலவே இன்ஸ்டாகிராமிலும் ஸ்டேட்டஸ் அப்டேட்களை ஷேர் செய்வதற்கான அம்சத்தை வாட்ஸ்அப் கொண்டு வர உள்ளது. இதனால் வாட்ஸ்அப்பில் பதிவிடும் ஸ்டேட்டஸ், இனி அப்படியே இன்ஸ்டாகிராம் ஸ்டோரிலும் காட்டப்படும்.
இந்த அம்சம் பயனர்கள் ஸ்டேட்டஸ் மற்றும் ஸ்டோரிகளை பதிவிடுவதற்கான நேரத்தை வெகுவாக குறைக்கிறது. தற்பொழுது இந்த அம்சம் ஆண்ட்ராய்டின் குறிப்பிட்ட பீட்டா பயனர்களுக்கு மட்டுமே கிடைக்கிறது. இந்த அம்சத்தை 2.23.25.20 என்கிற வாட்ஸ்அப் பீட்டா வெர்சனை ப்ளே ஸ்டோரில் பதிவிறக்கம் செய்து பயன்படுத்தி கொள்ளலாம்.
இனி மொபைல் நம்பர் தேவையில்லை.! அசத்தல் அம்சத்தை வெளியிட்ட வாட்ஸ்அப்.!
இப்பொழுது ஸ்டேட்டஸை எவ்வாறு இன்ஸ்டாகிராம் ஸ்டோரில் ஷேர் செய்யலாம் என்பதை பார்க்கலாம்.
- முதலில் உங்கள் மொபைலில் வாட்ஸ்அப்பை ஓபன் செய்ய வேண்டும்.
- பிறகு அப்டேட்ஸ் என்ற டேப்பை கிளிக் செய்து ஸ்டேட்டஸ் பக்கத்திற்கு செல்ல வேண்டும்.
- அதில் ஸ்டேட்டஸ் மேலே இருக்கக்கூடிய மூன்று புள்ளியை கிளிக் செய்து ஸ்டேட்டஸ் பிரைவசி என்பதற்குள் செல்ல வேண்டும்.
- ஷேர் மை ஸ்டேட்டஸ் அப்டேட் என்ற பகுதியில் பேஸ்புக் மற்றும் இன்ஸ்டாகிராம் கணக்குகளுக்கான செட்டப் இருக்கும்.
- இதை கிளிக் செய்து உங்கள் இன்ஸ்டாகிராம் மற்றும் பேஸ்புக்கணக்குகளை வாட்ஸ்அப் உடன் இணைக்க வேண்டும்.
- இதன் பிறகு நீங்கள் பதிவிடும் ஒவ்வொரு ஸ்டேட்டஸும் தானாகவே பேஸ்புக் மற்றும் இன்ஸ்டாகிராம் ஸ்டோரில் பதிவாகும்.
