தங்கம் விலை சவரனுக்கு ரூ.320 உயர்ந்து ரூ.35,480க்கு விற்பனை செய்யப்படுகிறது
தங்கம் விலை நாளுக்கு நாள் மாற்றத்தை சந்தித்த வண்ணம் தான் உள்ளது. பெண்கள் அதிகமானோர் தங்களது முதலீடுகளை தங்கத்தில் தான் செலுத்துவதுண்டு. எனவே, தங்கம் விலையில் ஏற்படும் மாற்றங்களை பலரும் உற்று கவனிப்பதுண்டு. அந்த வகையில், கடந்த சில நாட்களாக தங்கம் விலை உயர்ந்து வருகிறது. அந்த வகையில், இன்று தங்கம் விலை சவரனுக்கு ரூ.320 உயர்ந்துள்ளது.
இந்த நிலையில், இன்று சென்னையில் 22 கேரட் ஆபரணத் தங்கத்தின் விலை , சவரனுக்கு ரூ.320 உயர்ந்து ரூ.35,480க்கு விற்பனையாகிறது. கிராமுக்கு ரூ.40 உயர்ந்து ரூ.4,435க்கு விற்பனையாகிறது. வெள்ளி விலை கிராமுக்கு 90 காசுகள் உயர்ந்து ஒரு கிராம் வெள்ளி ரூ.68.20க்கும், ஒரு கிலோ வெள்ளி ரூ.68,200க்கும் விற்பனையாகிறது.
