ஃபிஃபா உலகக்கோப்பையில் துனிசியாவிடம் அதிர்ச்சி தோல்வியடைந்த நடப்பு சாம்பியன் பிரான்ஸ்.
கத்தாரில் நடந்து வரும் ஃபிஃபா கால்பந்து உலகக்கோப்பை தொடர் தற்போது பரபரப்பான கட்டத்தை எட்டியுள்ளது. நேற்று நடைபெற்ற முக்கியமான ஆட்டத்தில் குரூப்-டி விலிருந்து பிரான்ஸ் மற்றும் துனிசியா அணிகள் எஜூகேசன் சிட்டி ஸ்டேடியத்தில் மோதின.
இந்த போட்டியில் நடப்பு சாம்பியனான பிரான்ஸ் அணி, ஃபிஃபா கால்பந்து அணிகளின் தரவரிசையில் 30-வது இடம் வகிக்கும் துனிசியாவிடம் அதிர்ச்சி தோல்வியடைந்துள்ளது. இதில் 1-0 என்ற கோல் கணக்கில் துனிசியா வெற்றி பெற்றது.
இந்த போட்டியில் தோல்வியடைந்தாலும் பிரான்ஸ் அணி நாக் அவுட் சுற்றுக்கு ஏற்கனவே சென்று விட்டது. 2014 உலகக்கோப்பை தொடருக்கு பின் பிரான்ஸ் அணி அடைந்த முதல் தோல்வி இதுவாகும். குரூப்-டி விலிருந்து பிரான்ஸ் மற்றும் ஆஸ்திரேலியா அணிகள் நாக் அவுட்டுக்கு முன்னேறியுள்ளன.
