மதுரையில் விஜய் ரசிகர்கள் விவேகானந்தரின் விஜயமே வருக , நல்லாட்சி தருக என்ற வசனங்களுடன் காவி உடையில் விஜய் அவர்கள் உள்ளபடி போஸ்ட்ர் ஒன்றை ஒட்டியுள்ளனர்.
நடிகர் விஜய் தற்போது லோகேஷ் கனகராஜ் இயக்கத்தில் மாஸ்டர் என்னும் திரைப்படத்தில் நடித்து முடித்துள்ளார். ரசிகர்கள் இந்த படத்தை பார்க்க ஆவலுடன் எதிர்பார்த்து காத்திருக்கின்றனர். தளபதி ரசிகர்கள் விஜய்யின் எப்போதும் வித்தியாசமான முறையில் போஸ்ட்ர்களை ஒட்டி பரபரப்பை ஏற்படுத்துவது வழக்கம். சமீபத்தில் கூட விஜய் மற்றும் சங்கீதாவின் திருமண நாளை முன்னிட்டு
மதுரை ரசிகர்களின் மக்கள் இயக்கம் சார்பில் ஒட்டப்பட்ட போஸ்ட்ரில் மக்கள் இயக்கத்தின் புரட்சித் தலைவரே மற்றும் புரட்சி தலைவியே என்று கூறி சங்கீதாவை ஜெயலலிதா போலவும், விஜய் அவர்களை எம். ஜி. ஆர் போலவும் சித்தரித்து ஒட்டப்பட்டது பெரும் பரபரப்பை ஏற்படுத்தியது.
இந்த நிலையில் தற்போது மதுரையில் விஜய் அவர்கள் காவி உடை அணிந்து கொண்டு இருப்பது போல எடிட் செய்து அதில் நாடு நலம் பெற 100 இளைஞர்கள் வேண்டும் என்றார் விவேகானந்தர் ;தளபதி, உன்னிடம் இருப்பதோ பல்லாயிரக்கணக்கான இளைஞர்கள். விவேகானந்தரின் விஜயமே வருக, நல்லாட்சி தருக என்ற வசனங்களை கொண்ட போஸ்ட்ரை ஒட்டியுள்ளனர். தற்போது அந்த போஸ்ட்ர் அப்பகுதியில் உள்ள அனைவரையும் திரும்பி பார்க்க வைத்துள்ளது.
