பிளஸ் 1 தேர்வில் அதிக தேர்ச்சி பெற்ற மாவட்டங்களில் கோவை முதலிடம்.
இன்று காலை 9.30 மணிக்கு +1 பொதுத்தேர்வு முடிவுகள் வெளியிடப்படும் என அறிவிக்கப்பட்டிருந்த நிலையில், தற்போது, பிளஸ் 1 தேர்வு முடிவுகள் இணையதளத்தில் வெளியாகியுள்ளது.
பிளஸ் 1 தேர்வில் 96.04 விழுக்காடு மாணவ, மாணவிகள் தேர்ச்சி பெற்றுள்ளனர். மாணவியர்களில் 97.49 விழுக்காட்டினரும், மாணவர்களில் 94.38 விழுக்காட்டினரும் தேர்ச்சி பெற்றுள்ளனர். இந்த தேர்வில், 98.10 % தேர்ச்சி பெற்று கோவை மாவட்டம் முதலிடத்திலும், 97.90 % தேர்ச்சி பெற்று விருதுநகர் மாவட்டம் இரண்டாம் இடத்திலும், 97.51 % தேர்ச்சி பெற்று கரூர் மாவட்டம் மூன்றாம் இடத்திலும் உள்ளது.
