தமிழ் யூடியூபர்கள் ஆக்சிஜனுக்காக நிதி திரட்டுவதற்கு முயன்றுள்ளனர்.
தமிழகத்தில் கொரோனா இரண்டாம் அலை தீவிரமாக பரவி வருகிறது. இதனால் ஆக்சிஜன் தேவை அதிகரித்துள்ளது. இதன் காரணமாக தமிழக முதலமைச்சர் தங்களால் இயன்ற உதவியை பொது நிவாரண நிதிக்கு அளிக்கலாம் என்று தெரிவித்திருந்தார். அதன்படி பலரும் தங்களால் இயன்ற தொகையை முதலமைச்சர் பொது நிவாரண திதிக்கு அனுப்பி வருகின்றனர்.
இந்நிலையில் பிரபல தமிழ் யூடியூபர்கள் ஆக்சிஜனுக்காக நிதி திரட்டுவதற்கு முயன்றுள்ளனர். அதனால் இன்று பிரபல யூடியூபர்கள் பலர் இணைந்து யூடியூப் லைவ் மூலமாக மக்களை சந்திக்க உள்ளனர். மாலை 5 மணி முதல் இரவு 11 மணி வரை இந்த லைவ் நடைபெற இருக்கிறது. இதில் வரக்கூடிய பணத்தை முழுவதுமாக அரசு மருத்துவமனையின் ஆக்சிஜன் தயாரிப்பு செலவுக்கு வழங்க இருப்பதாக யூடியூபர்கள் தெரிவித்துள்ளனர்.
