வங்கதேஷதுக்கு எதிரான போட்டியில் சதம் அடித்தால் அம்லா விராத்- இன் சாதனையை முறியடித்தார்
ஆம்லாவின் 26-வது ஒருநாள் சதமாகும். இந்த , 26-வது சதத்தை ஆம்லா 154வது இன்னிங்ஸில் எடுத்து, குறைந்த இன்னிங்ஸ்களில் 26 சதங்கள் கண்ட வகையில் விராட் கோலியின் சாதனையை முறியடித்தார். விராட் கோலி 166 இன்னிங்ஸ்களில் 26 சதங்கள் எடுத்தார், சச்சின், ரிக்கி பாண்டிங் 3 மற்றும் 4-ம் இடங்களில் உள்ளனர்.
முதல் விக்கெட்டுக்காக 282 ரன்களைச் சேர்த்தது இலக்கை விரட்டும் போது அதிகபட்ச ரன்களாகும். முன்னதாக 2016- ம் ஆண்டு பர்மிங்ஹாமில் இலங்கைக்கு எதிராக இங்கிலாந்து தொடக்க வீரர்கள் ஜேசன் ராய், அலெக்ஸ் ஹேல்ஸ் 256 ரன்கள் இலக்கை விக்கெட் இழப்பின்றி எடுத்ததே அதிகபட்ச விரட்டல் தொடக்க விக்கெட் கூட்டணி சாதனையாக இருந்தது.
டி காக், ஆம்லா கூட்டணியின் இந்த 282/0 என்ற தொடக்க ரன்குவிப்பு ஒருநாள் போட்டிகளில் 3-வது சிறந்த முதல் விக்கெட் ரன்களாகும். இதில் சாதனையை வைத்திருப்பவர்கள் இலங்கையின் சனத் ஜெயசூரியா, உப்புல் தரங்கா, இவர்கள் 2006-ல் இங்கிலாந்தைப் புரட்டி எடுத்த போது 286 ரன்களை முதல் விக்கெட்டுக்காகச் சேர்த்தனர். 2-வது அதிகபட்ச தொடக்கக் கூட்டணை அமைத்தவர்கள் ஆஸ்திரேலியாவின் டேவிட் வார்னர், ட்ராவிஸ் ஹெட், இவர்கள் இருவரும் 2017-ல் அடிலெய்டில் 284 ரன்கள் கூட்டணி அமைத்தனர்.
தென் ஆப்பிரிக்க அணி இத்துடன் 7-வது முறையாக விக்கெட் இழப்பின்றி வெற்றி பெற்றுள்ளது. மே.இ.தீவுகள் 11 முறையும் நியூஸிலாந்து 8 முறையும் இந்தியா 7 முறையும் இப்படி வென்றுள்ளது.
ஆம்லாவும் டி காக்கும் இணைந்து ஒரே இன்னிங்சில் 4 முறை சதக்கூட்டணி அமைத்துள்ளனர். ஆம்லா, டிவில்லியர்ஸ் கூட்டணி 5 முறை ஒரே இன்னிங்சில் சதக்கூட்டணி அமைத்துள்ளனர். சச்சின், கங்குலி ஜோடி 4 முறை ஒரே இன்னிங்ஸில் சதக்கூட்டணி அமைத்துள்ளனர்.
13-வது ஒருநாள் சதத்தை டி காக் 86-வது இன்னிங்சில் டி காக் எடுத்துள்ளார், ஆம்லா 83 இன்னிங்ஸ்களில் 13வது ஒருநாள் சதம் எடுத்தார். கோலி, டிகாக் இருவரும் சம இடத்தில் உள்ளனர்.
தென் ஆப்பிரிக்காவில் சதம் எடுத்த முதல் வங்கதேச வீரரானார் முஷ்பிகுர் ரஹிஇம்.
