பல மல்யுத்த வீராங்கனைகள் மல்யுத்த சம்மேளனத்தில் தலைவராக இருந்த பிரிட்ஜ் பூஷன் சிங் மீது பாலியல் புகார் கூறினர். இதைத்தொடர்ந்து டெல்லி போலீசார் முதல் தகவல் அறிக்கையை பதிவு செய்தனர். ஆனால் அவர் மீது எந்த நடவடிக்கையும் எடுக்கவில்லை. பின்னர் பிரிட்ஜ் பூஷன் சிங்கிற்கு எதிராக மல்யுத்த வீராங்கனைகள் போராட்டத்தில் ஈடுபட்டனர். இதைத்தொடர்ந்து, பிரிஜ் பூஷன் சிங் மல்யுத்த தேர்தலில் நிற்கக் கூடாது என நீதிமன்றம் உத்தரவு பிறப்பித்தது.
பின்னர் பிரிட்ஜ் பூஷன் சிங் நண்பருமான சஞ்சய் குமார் தேர்தலில் நின்றார். நேற்று மல்யுத்த சம்மேளனத்தின் தலைவர் தேர்தல் முடிவு வெளியானது. இதில் சஞ்சய் குமார் வெற்றி பெற்றார். சஞ்சய் சிங் தேர்ந்தெடுக்கப்பட்ட பிறகு, சாக்ஷி மாலிக், பஜ்ரங் புனியா மற்றும் வினேஷ் போகத் ஆகியோர் நேற்று செய்தியாளர் சந்திப்பில் பேசினர். அதே பத்திரிகையாளர் சந்திப்பில், சாக்ஷி மாலிக் மல்யுத்தத்தை விட்டு வெளியேறுவதாக அறிவித்துவிட்டு செய்தியாளர் சந்திப்பில் இருந்து அழுது கொண்டே வெளியேறினார்.
இந்நிலையில், இந்திய மல்யுத்த வீரரும், ஒலிம்பிக் பதக்கம் வென்றவருமான பஜ்ரங் புனியா, பிரதமர் மோடிக்கு நீண்ட கடிதம் ஒன்றை எழுதியுள்ளார். இந்தக் கடிதத்தில், தனது கோரிக்கைகள் செவிசாய்க்கப்படாததால் பத்மஸ்ரீ விருதை திருப்பித் தருவதாக பஜ்ரங் சமூக வலைதளங்களில் பதிவிட்டுள்ளார்.
பஜ்ரங் பதிவிட்ட பதிவில்”2019-ம் ஆண்டு எனக்கு பத்மஸ்ரீ விருது வழங்கப்பட்டது. கேல் ரத்னா மற்றும் அர்ஜுன் விருதும் வழங்கி கவுரவிக்கப்பட்டார். இந்த விருது கிடைத்த போது நான் மிகவும் மகிழ்ச்சியடைந்தேன். வாழ்க்கை வெற்றி பெற்றதாகத் தோன்றியது. ஆனால் இன்று நான் அதை விட வருத்தமாக இருக்கிறேன். இந்த மரியாதைகள் என்னை காயப்படுத்துகின்றன” என தெரிவித்துள்ளார்.
பிரிஜ் பூஷன் சரண் சிங்கிற்கு எதிரான நடந்த போராட்டம் பஜ்ரங் புனியா, சாக்ஷி மாலிக் மற்றும் வினேஷ் போகட் ஆகியோரால் வழிநடத்தப்பட்டது. 29 வயதான பஜ்ரங் புனியாவிற்கு கடந்த 2019 ஆம் ஆண்டு பத்மஸ்ரீ விருது பெற்றார். பிரிஜ் பூஷன் சரண் சிங் பாஜக எம்.பி மற்றும் இந்திய மல்யுத்த கூட்டமைப்பின் தலைவராக நீண்ட காலம் பதவி வகித்துள்ளார் என்பது குறிப்பிடத்தக்கது.
मैं अपना पद्मश्री पुरस्कार प्रधानमंत्री जी को वापस लौटा रहा हूँ. कहने के लिए बस मेरा यह पत्र है. यही मेरी स्टेटमेंट है। 🙏🏽 pic.twitter.com/PYfA9KhUg9
— Bajrang Punia 🇮🇳 (@BajrangPunia) December 22, 2023
பஜ்ரங் புனியா வாங்கிய பதக்க பட்டியல்:
ஒலிம்பிக் விளையாட்டுகள்:
டோக்கியோ ஒலிம்பிக் 2020 (65 கிலோ): வெண்கலம்
உலக சாம்பியன்ஷிப் விளையாட்டுகள்:
புடாபெஸ்ட் 2018 (65 கிலோ): வெள்ளி
புடாபெஸ்ட் 2013 (60 கிலோ): வெண்கலம்
நூர்-சுல்தான் 2019 (65 கிலோ): வெண்கலம்
பெல்கிரேடு 2022 (65 கிலோ): வெண்கலம்
ஆசிய விளையாட்டு விளையாட்டுகள் :
ஜகார்த்தா 2018 (65 கிலோ): தங்கம்
இன்சியான் 2014 (61 கிலோ): வெள்ளி
காமன்வெல்த் விளையாட்டுகள் :
கோல்ட் கோஸ்ட் 2018 (65 கிலோ): தங்கம்
பர்மிங்காம் 2022 (65 கிலோ): தங்கம்
கிளாஸ்கோ 2014 (61 கிலோ): வெள்ளி
