ஐஐஐடிடிஎம் காஞ்சிபுரம், திட்ட பயிற்சியாளர் (Project Intern) பணிக்கான அறிவிப்பை வெளியிட்டுள்ளது.
இந்திய தகவல் தொழில்நுட்ப வடிவமைப்பு மற்றும் உற்பத்தி நிறுவனம், காஞ்சிபுரம் (IIITDM Kancheepuram) என்பது இந்திய மனிதவள மேம்பாட்டு அமைச்சகத்தால் 2007 இல் நிறுவப்பட்ட தேசிய முக்கியத்துவம் வாய்ந்த ஒரு நிறுவனமாகும். இது சென்னையின் புறநகரில் அமைந்துள்ளது.
தற்போது, ஐஐஐடிடிஎம் காஞ்சிபுரம், 1000 ஹெச்பி மோட்டாருக்கு காற்றோட்டத்தை வழங்கக்கூடிய விசிறியை வடிவமைத்து உருவாக்கும் திட்டத்தில் பணியாற்ற, திட்ட பயிற்சியாளர் (Project Intern) பணிக்கான வேலைவாய்ப்பு Notification அறிவிப்பை வெளியிட்டுள்ளது. இதற்கு விண்ணப்பிக்கும் விண்ணப்பதாரர் அறிவிப்பை முழுவதுமாக படித்துவிட்டு விண்ணப்பிக்குமாறு அறிவுறுத்தப்படுகிறார்கள்.
பதவி விவரம் மற்றும் காலியிடங்கள்:
ஐஐஐடிடிஎம்-ல் திட்ட பயிற்சியாளர் பணிக்கு 4 பணியிடங்கள் காலியாக உள்ளன. ஆர்வமுள்ளவர்கள் தாமதிக்காமல் விண்ணப்பிக்கலாம்.
கல்வித்தகுதி:
- இறுதியாண்டு பி.டெக் படிக்கும் மாணவர்கள் இதற்கு விண்ணப்பிக்கலாம். அல்லது,
- இயந்திரவியல் அல்லது உற்பத்திப் பொறியியலில் இரட்டைப் பட்டம் பெற்றிருக்க வேண்டும். அல்லது,
- அங்கீகரிக்கப்பட்ட பல்கலைக்கழகம் அல்லது நிறுவனத்தில் பி.டெக் அல்லது அதற்கு சமமான பட்டம் பெற்றிருக்க வேண்டும்.
வயது வரம்பு:
விண்ணப்பதாரரின் வயது வரம்பு குறித்து அறிவிப்பில் குறிப்பிடப்படவில்லை. மேலும் தகவலுக்கு அதிகாரப்பூர்வ https://www.iiitdm.ac.in/ இணையதளம் அல்லது Notification அறிவிப்பை அணுகலாம்.
சம்பளம்:
திட்ட பயிற்சியாளர் பணிக்கு தேர்ந்தெடுக்கப்படுபவருக்கு மாதம் ரூ.8,000 சம்பளமாக வழங்கப்படும்.
தேர்வு முறை:
- 1000 ஹெச்பி மோட்டாருக்கு காற்றோட்டத்தை வழங்கக்கூடிய விசிறியை வடிவமைத்து உருவாக்கும் திட்டத்தில் பணிபுரிவதற்கு, நேர்காணல் முறைப்படி விண்ணப்பதாரர்கள் தேர்வு செய்யப்படுவார்கள்.
- விண்ணப்பதாரர்கள் தங்கள் ஆவணங்கள் மற்றும் சுயவிவரப்படிவத்தைக் (Resume) கொண்டு வருமாறு கேட்டுக் கொள்ளப்படுகிறார்கள்.
- தேர்வு செய்யப்படும் விண்ணப்பதாரர்களுக்கு மின்னஞ்சல் மூலம் முடிவுகள் தெரிவிக்கப்படும்.
நேர்காணல் தேதி:
- ஆர்வமுள்ள தகுதியுள்ள விண்ணப்பதாரர்கள் ஜூலை 5ம் தேதி காலை 10 மணிக்கு நேரடி நேர்காணலுக்கு வரவேண்டும்.
- தேர்ந்தெடுக்கப்பட்ட விண்ணப்பதாரர்கள் ஆரம்பத்தில் ஆறு மாத காலத்திற்கு நியமிக்கப்படுவார்கள்.
நேர்காணல் இடம்:
இந்திய தகவல் தொழில்நுட்ப நிறுவனம் வடிவமைப்பு மற்றும் உற்பத்தி, காஞ்சிபுரம்
வண்டலூர்-கேளம்பாக்கம் சாலையில், மேலக்கோட்டையூர்,
சென்னை-600127
தொடர்பு எண்: 044-27476393 / 044-27476351
மின்னஞ்சல்: [email protected] / [email protected]
