பங்குனி உத்திரத்தை முன்னிட்டு ஏப்ரல் 5-ம் தேதி நெல்லை மாவட்டத்திற்கு உள்ளூர் விடுமுறை என அறிவிக்கப்பட்டுள்ளது.
பங்குனி உத்திர திருநாள் வரும் ஏப்ரல் மாதம் 5-ஆம் தேதி புதன்கிழமை கொண்டாடப்பட உள்ளது. இதனை முன்னிட்டு நெல்லை மாவட்டத்தில் உள்ளூர் விடுமுறை என மாவட்ட ஆட்சியர் கார்த்திகேன் அறிக்கை ஒன்றை அறிவித்துள்ளார்.
மேலும், இந்த விடுமுறை பொதுத் தேர்வுகள் மற்றும் முக்கியத் தேர்வுகளுக்கு இடையூறு ஏற்படாத வகையில், பொதுத் தேர்வுகள் ஏதுமிருப்பின் பொதுத் தேர்வு எழுதும் பள்ளி மாணவர்கள், பொதுத் தேர்வு நடைபெறும் பள்ளிகள் மற்றும் பொதுத் தேர்வு தொடர்பாக பணியாற்றும் ஆசிரியர்கள் மற்றும் அலுவலர்களுக்கு இந்த உள்ளூர் விடுமுறையானது பொருந்தாது எனவும் அறிக்கையில் குறிப்பிடப்பட்டுள்ளது.
