முத்தூட் பைனான்ஸ் நிறுவன அலுவலக கொள்ளை வழக்கில் கைதான 7 பேரை காவலில் விசாரிக்க ஓசூர் நீதிமன்றம் அனுமதி.
கிருஷ்ணகிரி மாவட்டம் ஓசூரில் உள்ள முத்தூட் பைனான்ஸ் நிறுவன அலுவலக கொள்ளை வழக்கில் கைதான 7 பேரை காவலில் வைத்து விசாரிக்க ஓசூர் நீதிமன்றம் அனுமதி வழங்கி உத்தரவு பிறப்பித்துள்ளது. 12 நாட்கள் காவலில் வைத்து விசாரிக்க காவல்துறை அனுமதி கோரிய நிலையில், 10 நாட்களுக்கு அனுமதி அளித்துள்ளது.
ஓசூரில் கடந்த 22-ஆம் தேதி முத்தூட் பைனான்ஸ் நிறுவன அலுவலத்தில் துப்பாக்கி முனையில் ரூ.12 கோடி மதிப்புள்ள நகைகள் கொள்ளையடிக்கப்பட்டன. நகை கொள்ளை வழக்கில் தப்பிய 9 பேரில் 7 பேரை தெலுங்கானாவில் தனிப்படை போலீசார் கைது செய்தனர். கைதான 7 பேரும் வடமாநிலத்தை சேர்ந்தவர்கள் என்று தெரிவிக்கப்பட்டது என்பது குறிப்பிடத்தக்கது.
