விளையாட்டு வீரர்களுக்கு பொன்னான வாய்ப்பு…வருமான வரித்துறையில் வேலைவாய்ப்பு – எழுத்து தேர்வு இல்லை….!

வருமான வரித் துறையில் வருமான வரி ஆய்வாளர், வரி உதவியாளர் மற்றும் மல்டி டாஸ்கிங் பணியிடங்களுக்கு திறமையான விளையாட்டு வீரர்களிடமிருந்து விண்ணப்பங்கள் வரவேற்கப்படுகின்றன.

வருமான வரித்துறை ஆட்சேர்ப்பு 2021:உத்திரப் பிரதேசம் மாநிலம் (கிழக்கு மண்டலம்) வருமான வரித் துறையில் வருமான வரி ஆய்வாளர், வரி உதவியாளர் மற்றும் மல்டி டாஸ்கிங் பணியிடங்களுக்கு,திறமையான விளையாட்டு வீரர்களிடமிருந்து பதிவு செய்யப்பட்ட தபால் மூலம் விண்ணப்பங்கள் வரவேற்கப்படுகின்றன.

அதன்பின்னர்,விண்ணப்பங்கள் பரிசீலனை செய்யப்பட்டு, தகுதியானவர்கள் நேர்காணல் தேர்வு நடைமுறைக்கு பட்டியலிடப்படுவார்கள்.அதன்படி, ஷார்ட்லிஸ்ட் செய்யப்பட்ட விண்ணப்பதாரர்களுக்கு அவர்களின் பதிவு செய்யப்பட்ட மின்னஞ்சல் ஐடி / மொபைல் எண் மூலம் நேர்முகத்தேர்வில் பங்கேற்க அழைக்கப்படுவர். மேலும் தேவைப்பட்டால், விண்ணப்பதாரர்கள் தரை/திறமை தேர்ச்சி (ground/proficiency test) தேர்வையும் பெற வேண்டும்.

வருமான வரித்துறை  பதவி மற்றும் காலியிடங்களின் எண்ணிக்கை:

• வருமான வரி ஆய்வாளர் – 03,
• வரி உதவியாளர் – 13,
• மல்டி டாஸ்கிங் ஊழியர்-12.

கல்வித் தகுதி:

• வரி உதவியாளர்,வரி ஆய்வாளர் பதவிக்கு – அங்கீகரிக்கப்பட்ட பல்கலைக்கழகம் அல்லது அதற்கு இணையான பட்டம் பெற்றிருக்க வேண்டும்.
• மல்டி டாஸ்கிங் ஊழியர் பதவிக்கு – 10 ஆம் வகுப்பு தேர்ச்சி பெற்றிருக்க வேண்டும்.

எப்படி விண்ணப்பிப்பது?:

அனைத்து ஆர்வமும் தகுதியும் உள்ள விண்ணப்பதாரர்கள் முறையாக பூர்த்தி செய்யப்பட்ட விண்ணப்பப் படிவத்துடன் தொடர்புடைய ஆவணங்களுடன்,

வருமான வரி அதிகாரி (HQ) (Admn), வருமான வரி முதன்மை தலைமை ஆணையர் அலுவலகம், UP (கிழக்கு), ஆய்கார் பவன், 5, அசோக் மார்க், லக்னோ – 226001 என்ற முகவரிக்கு விண்ணப்பத்தை பூர்த்தி செய்து அனுப்ப வேண்டும்.

முக்கியமான தேதிகள்:

விண்ணப்பிக்க கடைசி தேதி செப்டம்பர் 30, 2021 (ஆனால்,அந்தமான் நிக்கோபார் தீவுகள், லட்சத்தீவு, ஜம்மு -காஷ்மீர், கேரளா உள்ளிட்ட பகுதிகளில் வசிக்கும் விண்ணப்பதாரர்களுக்கு கடைசி தேதி அக்டோபர் 8, 2021) ஆகும்.

7 வது மத்திய ஊதியக்குழு படி சம்பள விபரம்:

• வருமான வரி ஆய்வாளர்-ஊதிய நிலை -7 (ரூ. 44,900 முதல் ரூ .1,42,400)
• வரி உதவியாளர்-ஊதிய நிலை -4 (ரூ. 25,500 முதல் ரூ. 81,100)
• மல்டி டாஸ்கிங் ஊழியர்-ஊதிய நிலை -1 (ரூ .18,000 முதல் ரூ. 56,900)

வயது வரம்பு:

வருமான வரி ஆய்வாளருக்கு: டிசம்பர் 31, 2020 நிலவரப்படி 18 முதல் 30 வயதுக்குள் இருக்க வேண்டும்.

வரி உதவியாளர் மற்றும் மல்டி டாஸ்கிங் ஊழியர்களுக்கு: டிசம்பர் 31, 2020 நிலவரப்படி 18 முதல் 27 வயதுக்குள் வயது பூர்த்தியாகி இருக்க வேண்டும்.

விண்ணப்பிக்க தகுதிப் பெற்ற விளையாட்டு வீரர்கள்:

• சர்வதேச போட்டிகள்,தேசிய அளவிலான போட்டிகள்,இன்டர் பல்கலைக்கழக போட்டிகள், தேசிய பள்ளி விளையாட்டு, தேசிய உடல் திறன் உள்ளிட்ட போட்டிகளில் பங்கேற்று சான்றிதழ் வைத்திருப்பவர்கள் விண்ணப்பிக்கலாம்.

விண்ணப்பதாரர் பின்வரும் சான்றிதழ்களின் சான்றளிக்கப்பட்ட நகல்களை இணைக்க வேண்டும்:

• மெட்ரிகுலேஷன் எஸ்எஸ்சி அல்லது வயதுச் சான்றுக்கான சமமான சான்றிதழ்.
• கல்வித் தகுதிக்கான சான்றிதழ்கள், விளையாட்டு/விளையாட்டு சான்றிதழ்கள்.
• எஸ்சி/எஸ்டி/ஓபிசி சாதி சான்றிதழ்.
• ஆதார் அட்டையின் நகல்.
• சமீபத்திய வண்ணப் புகைப்படம் விண்ணப்பப் படிவத்தில் ஒட்டப்பட வேண்டும், மேலும் கெஜட்டட் அதிகாரியால் முறையாக சான்றளிக்கப்பட வேண்டும்.
• மத்திய அரசு அல்லது மாநில அரசு பொதுத்துறை நிறுவனத்தில் ஏற்கெனவே பணிபுரிந்த விளையாட்டு நபர்கள்,விண்ணப்பத்துடன் இணைக்கப்பட வேண்டிய தற்போதைய முதலாளியிடமிருந்து ஒரு என்ஓசியை சமர்ப்பிக்க வேண்டும்.
• அனைத்து விதத்திலும் முறையாக கையொப்பமிடப்பட்டு பூர்த்தி செய்யப்பட்ட விண்ணப்பம், அலுவலகத்தை அணுக வேண்டும்.

நேர்காணலுக்கான தேதி மற்றும் இடம் தகுதியான விண்ணப்பதாரர்களுக்கு உரிய நேரத்தில் அதிகாரப்பூர்வ அதிகாரியால் தெரிவிக்கப்படும்.

மேலும்,விபரங்களுக்கு https://incometaxindia.gov.in/Pages/downloads/other-forms.aspx என்ற வருமான வரித்துறையின்  இணையதளத்தை பார்வையிடவும்.