தளபதியின் யூத் படத்தில் உதவி இயக்குநராக பணியாற்றிய மிஷ்கினிடம் அவரே முன் வந்து இப்படி கேட்டதாக மிஷ்கின் பேட்டி ஒன்றில் கூறியுள்ளார்.
விஜய் தமிழ் சினிமாவின் உச்ச நட்சத்திரங்களில் ஒருவராக திகழ்பவர். இவரது நடிப்பில் சமீபத்தில் வெளியான அனைத்து படங்களும் அதிக அளவில் வசூலை பெற்று சாதனையும் படைத்தது. தற்போது இவர் லோகேஷ் கனகராஜ் இயக்கத்தில் மாஸ்டர் என்னும் திரைப்படத்தில் நடித்து முடித்துள்ளார். தளபதியின் ரசிகர்கள் மாஸ்டர் படத்திற்காக எதிர்பார்த்து காத்திருக்கின்றனர். கொரோனா காரணமாக தள்ளி வைக்கப்பட்ட இந்த படத்தின் ரிலீஸ் தீபாவளிக்கு திரைக்கு வரும் என எதிர்பார்க்கப்படுகிறது.
இந்த நிலையில் தமிழ் சினிமாவின் பிரபல இயக்குநரான மிஷ்கின் சமீபத்தில் அளித்த பேட்டி ஒன்றில் தளபதியை குறித்து சுவாரஸ்யமான தகவல் ஒன்றை கூறியுள்ளார். ஆரம்ப காலகட்டத்தில் இயக்குநர் மிஷ்கின் உதவி இயக்குநராக பணியாற்றி கொண்டே ஒரு சில படங்களிலும் முக்கிய கதாபாத்திரத்தில் நடித்துள்ளார். அந்த வகையில் விஜய்யின் யூத் படத்தில் இவர் உதவி இயக்குநராக பணியாற்றிய போது, விஜய்யிடம் பேசியதே இல்லை என்றும், ஏன் என்னிடம் எல்லாம் பேசமாட்டீங்களா என்று அவரே என்னிடம் வந்து கேட்டதாகவும் மிஷ்கின் கூறியுள்ளார்.
