எண்ணற்ற திரைப்படங்கள் நிறைந்து கிடக்கும் கூகுள் பிளே மூவிஸ் சேவை கூடிய விரைவில் இலவசமாக சேவை வழங்க தற்போது கூகுள் நிறுவனம் ஆலோசனை மேற்கொண்டு வருகிறது. ஆனால், இதில் சில கட்டாய விளம்பர இடைவேளைகளையும் இந்த திட்டத்தில் அறிமுகப்படுத்தும் திட்டமும் இருக்கிறதாம். இதேபோல், நெட்ஃப்ளிக்ஸ், அமேசான் ப்ரைம் போன்ற ஓடிடி தளம் போன்றது தான் இந்த கூகுளின் பிளே மூவீஸ். இந்த தளத்தின் மூலம் எளிதாகப் படங்களைப் பயனாளர்கள் வாங்கிக்கொள்ளலாம் அல்லது வாடகைக்கு எடுத்துக்கொள்ளலாம். தற்போதைய இக்கட்டான கொரோனா சூழல் சரியானதும் கூகுள் தனது புதிய இலவச சேவையை அறிமுகம் செய்ய உள்ளதாகக் கூறப்படுகிறது. தற்போது அடுத்த ஒரு மாதத்துக்கு மட்டும் யூட்யூப் தளத்தில் வீடியோ ஸ்ட்ரீமிங் தரத்தைக் குறைப்பதாக கூகுள் அறிவித்துள்ளது. இதேபோல் நெட்பிளிக்ஸ், பேஸ்புக், யூடியூப் நிறுவனங்களும் இந்த வீடியோ ஸ்ட்ரீமிங் தரத்தை குறப்பதாக ஏற்கனவே அறிவித்திருந்தன என்பது குறிப்பிடத்தக்கது.
