நேற்று போட்செப்ஸ்ட்ரூமில் 3 -வது ஒருநாள் போட்டியில் தென்னாப்பிரிக்கா மற்றும் ஆஸ்திரேலியா அணிகள் மோதியது . முதலில் பேட் செய்த ஆஸ்திரேலிய அணி 50 ஓவர் முடிவில் 7 விக்கெட்டுக்கு 254 ரன்கள் எடுத்தது.
இதையெடுத்து இறங்கிய தென்ஆப்பிரிக்கா 45.3 ஓவரில் 4 விக்கெட்டை இழந்து 258 ரன்கள் அடித்து 6 விக்கெட் வித்தியாசத்தில் வெற்றி பெற்றது. ஸ்மட்ஸ்(84) , ஹென்ரிச் கிளாசென்( 68*) இருவரின் அதிரடி ஆட்டத்தால் தென்ஆப்பிரிக்கா அணி வெற்றிக்கு செல்ல உதவிகரமாக இருந்தது.
இந்த இரு அணிகளும் இதற்கு முன் விளையாடிய 2 ஒருநாள் போட்டியிலும் தென்ஆப்பிரிக்கா அணி வெற்றி பெற்று இருந்தது.நேற்றைய போட்டியிலும் ஆஸ்திரேலிய அணி தோல்வியை தழுவியது.இதனால் தென்ஆப்பிரிக்கா , ஆஸ்திரேலியாவை ஒயிட் வாஷ் செய்து தொடரை கைப்பற்றியது .
தென்ஆப்பிரிக்கா அணி வருகின்ற 12-ம் தேதி இந்திய அணியுடன் ஒருநாள் தொடரில் மோத உள்ளது என்பது குறிப்பிடத்தக்கது.
