கமலின் ‘இந்தியன் 2’ படத்திலிருந்து ஒளிப்பதிவாளர் ரத்னவேலு விலகுவதாக தகவல் வெளியாகியுள்ளது .
ஷங்கரின் இயக்கத்தில் கமல்ஹாசன் நடித்து வந்த திரைப்படம் இந்தியன் 2. இந்த படத்தின் படப்பிடிப்பு சென்னையில் உள்ள பூந்தமல்லியில் நடைப்பெற்று வந்த போது கிரேன் விழுந்து 3 பேர் உயிரிழந்தனர் . அதனையடுத்து இந்த படம் கைவிடப்பட்டதாக கூறப்பட்டது.இதனிடையே கமல்ஹாசன் லோகேஷ் கனகராஜ் இயக்கத்தில் விக்ரம் எனும் படத்தில் இணைந்தார் .
ஆனால் இந்தியன் -2 படம் கைவிடப்படவில்லை என்று படக்குழுவினர் சார்பிலிருந்து கூறப்பட்டது .லைகா புரொடக்ஷன் தயாரிக்கும் இந்தப் படத்தில் காஜல் அகர்வால்,பிரியா பவானி சங்கர் உள்ளிட்ட பல பிரபலங்கள் முக்கிய வேடத்தில் நடிக்கிறார்.கொரோனா ஊரடங்கிற்கு பின்னர் பல படங்களின் படப்பிடிப்புகள் தொடங்கிய நிலையில் இந்தியன் 2 படத்தின் படப்பிடிப்பு குறித்த எந்த அறிவிப்பும் வெளியாகவில்லை.
இந்த நிலையில் தற்போது இந்தியன் 2 படத்திலிருந்து ஒளிப்பதிவாளர் ரத்னவேலு விலகுவதாக தகவல் வெளியாகியுள்ளது . படப்பிடிப்பு தொடங்குவதில் தாமதமாக்குவதாலும் ,எனவே அவரால் வேறு புதிய படங்களில் கமிட்டாக முடியாத காரணத்தாலும் இந்தியன் 2 படத்திலிருந்து விலகியுள்ளதாக தகவல்கள் வெளியாகியுள்ளன.இது எந்தளவிற்கு உண்மை என்பது தெரியவில்லை.ஏற்கனவே இந்த படத்தில் ஒளிப்பதிவாளராக ஒப்பந்தமான ரவிவர்மன் விலகியதால் பின்னர் தான் ரத்னவேலு ஒளிப்பதிவாளராக ஒப்பந்தமானார் என்பது குறிப்பிடத்தக்கது.
