சூப்பர் ஸ்டார் ரஜினிகாந்தின் நடித்த படையப்பா திரைப்படத்தில் அப்பாஸ் கதாபாத்திரத்தில் முதலில் நடிக்கவிருந்தது விஜய் என்று கூறப்படுகிறது.
இந்திய சினிமாவின் உச்ச நட்சத்திரங்களில் ஒருவராக திகழ்பவர் சூப்பர் ஸ்டார் ரஜினிகாந்த். தற்போது அண்ணாத்த படத்தில் நடித்து வருகிறார். இவருடன் பல நடிகர் மற்றும் நடிகைகள் நடிக்க காத்திருக்கின்றனர். சிலரது கனவு நனவாகியும், சிலரது ஆசை கனவாகவும் உள்ளது. அந்த வகையில் சூப்பர் ஸ்டார் ரஜினிகாந்த்தின் படத்தில் விஜய்க்கு வாய்ப்பு கிடைத்தும் தவறவிட்டாராம்.
கே. எஸ். ரவிகுமார் இயக்கத்தில் சூப்பர் ஸ்டார் ரஜினிகாந்த் நடிப்பில் வெளியாகி மெகா ஹிட்டான திரைப்படம் படையப்பா. இப்படத்தில் அப்பாஸ் நடித்த கதாபாத்திரத்தில் முதலில் இயக்குநர் நடிக்க வைக்க நினைத்தது விஜய் தானாம். ஆனால் கால்ஷீட் பிரச்சினை காரணமாக அந்த படத்தில் நடிக்க இயலாமல் போனதாக கூறப்படுகிறது.