Raayan: நடிகர் தனுஷின் ராயன் படத்தின் ரிலீஸ் தேதி மற்றும் டீசர் ரிலீஸ் குறித்த தகவல் வெளியாகியுள்ளது.
நடிகர் தனுஷின் 50வது படம் இந்த வருடம் திரைக்கு வர தயாராகி வருகிறது. அவரே இயக்கி நடிக்கும் ‘ராயன்’ என்று பெயரிடப்பட்டுள்ள இந்த படம் வட சென்னையை மையமாக வைத்து எடுக்கப்பட்டுள்ளதாக கூறப்படுகிறது. ஒரு தகவலின் படி, மிகவும் எதிர்பார்க்கப்பட்ட இந்த திரைப்படம் ஜூன் 7ஆம் தேதி இந்திய அளவில் வெளியிடப்பட உள்ளதாக தெரிகிறது.
அதற்கு முன்னதாக படக்குழு தனுஷின் ரசிகர்களுக்கு இன்ப அதிர்ச்சி கொடுக்கும் வகையில், ‘ராயன்’ படத்தின் டீசர் தமிழ் புத்தாண்டான ஏப்ரல் 14-ம் தேதி வெளியாகும் என்றும் தகவல் வெளியாகியுள்ளது. ஆனால், இது தொடர்பாக அதிகாரப்பூர்வ அறிவிப்பு விரைவில் வெளியாகும் என எதிர்பார்க்கப்படுகிறது.
இந்தப் படத்தில் தனுஷை தவிர, சந்தீப் கிஷன், காளிதாஸ் ஜெயராம், எஸ்.ஜே. சூர்யா, செல்வராகவன், பிரகாஷ் ராஜ், அபர்ணா பாலமுரளி, வரலட்சுமி சரத்குமார், சரவணன் மற்றும் பலர் நடித்துள்ளனர்.
இந்தப் படத்திற்கு ஏ.ஆர்.ரஹ்மான் இசையமைக்க, ஓம் பிரகாஷ் ஒளிப்பதிவு, பிரசன்னா ஜி.கே படத்தொகுப்பு செய்துள்ளார்கள். கலாநிதி மாறன் தனது சன் பிக்சர்ஸ் பேனரில் ‘ராயன்’ படத்தைத் தயாரிக்கிறார்.
