Google : இஸ்ரேல் ராணுவம் உடனான ஒப்பந்ததிற்கு எதிராக போராடிய ஊழியர்களை கூகுள் நிறுவனம் பணிநீக்கம் செய்துள்ளது.
இஸ்ரேல் ராணுவம், காசா நகரில் ஹமாஸ் அமைப்பினர் மீதான தாக்குலை 6 மாதங்கள் கடந்தும் இன்னும் தொடர்ந்து வருகிறது. இந்த தாக்குதலில் இஸ்ரேல் தரப்பில் 1200 பேரும், காசா நகரில் 25 ஆயிரத்திற்கும் மேற்பட்டவர்களும் உயிரிழந்துள்ளனர். இந்த தாக்குதலை நிறுத்த பல்வேறு நாடுகள், தன்னார்வ சமூக அமைப்பினர்கள் இஸ்ரேலிடம் வலியுறுத்தி வருகின்றனர்.
இப்படியான சூழலில், இஸ்ரேல் ராணுவத்துடன், கூகுள் நிறுவனம் ஓர் தொழில்நுட்ப ஒப்பந்தத்தை மேற்கொண்டுள்ளது. இஸ்ரேல் ராணுவத்திற்கு செயற்கை நுண்ணறிவு (AI) மற்றும் கிளவுட் சர்வீஸ் எனும் இணையவழி சேமிப்புகள் தொடர்பாக சேவைகள் அளிக்க கூகுள் நிறுவனம், அமேசான் நிறுவனத்துடன் இணைந்து 1.2 பில்லியன் அமெரிக்க டாலருக்கு ஒப்பந்தம் செய்து இருந்தது.
இந்த ஒப்பந்தத்தை அடுத்து, நியூயார்க் மற்றும் கலிபோர்னியா ஆகிய இடங்களில் உள்ள கூகுள் நிறுவன ஊழியர்கள் நேற்று முன்தினம் உள்ளிருப்பு போராட்டத்தில் ஈடுபட்டனர். நோ டெக் (No Tech) எனும் அமைப்பு மூலம் நடத்தப்பட்ட இந்த போராட்டத்தால் அங்கு பெரும் பரபரப்பு நிலவியது. முதற்கட்டமாக இந்த போராட்டத்தில் ஈடுபட்டபோது வளாகத்தில் அத்துமீறியதாக நிறுவனம் அளித்த புகாரின்பேரில் பாதுகாப்பு காரணங்களுக்காக 9 பேர் அமெரிக்க போலிசாரால் கைது செய்யப்பட்டனர்.
மேலும், வளாகத்தில் மற்ற ஊழியர்களை வேலை செய்யவிடாமல் தடுத்தது, நிறுவனத்துக்கு பாதிப்பை ஏற்படுத்தியது உள்ளிட்ட குற்றசாட்டுகளும் போராடிய ஊழியர்கள் மீது முன்வைக்கப்பட்டது. இதனை தொடர்ந்து நடைபெற்ற கூகுள் நிர்வாக விசாரணைக்கு பின்னர் போராட்டத்தில் ஈடுபட்டதில் முக்கிய நபர்களான 28 ஊழியர்களை கூகுள் நிறுவனம் பணிநீக்கம் செய்துள்ளது.
IPL2024: பஞ்சாப் அணி 17.5 ஓவரில் 3 விக்கெட்டை இழந்து 163 ரன்கள் எடுத்து 7 விக்கெட்டை வித்தியாசத்தில் வெற்றி பெற்றது. இன்றைய போட்டியில் சென்னை அணியும்,…
Mutton pickle-மட்டன் ஊறுகாய் செய்வது எப்படி என இப்பதிவில் தெரிந்து கொள்வோம் . தேவையான பொருட்கள் : மட்டன் =1/2 கிலோ மஞ்சள் தூள் =1 ஸ்பூன்…
8 வடிவ நடை பயிற்சி-எட்டு வடிவ நடை பயிற்சி செய்யும் முறை அதன் பயன்கள்,தவிர்க்க வேண்டியவர்கள் பற்றி இப்பதிவில் காணலாம். 8 வடிவ நடை பயிற்சி செய்யும்…
Heat Wave : வழக்கத்தை விட இந்தாண்டு வெப்பநிலை அதிகரிக்க 2 காரணங்களை இந்திய வானிலை ஆய்வு மைய ஆராய்ச்சியாளர்கள் தெரிவித்துள்ளனர். வழக்கத்தை விட இந்தாண்டு வெயிலின்…
Mumbai Indians : ஐபிஎல் தொடரில் நட்சித்திர அணியான மும்பை இந்தியன்ஸ் 7 தோல்விகளுக்கு பிறகும் ப்ளே ஆஃப் சுற்றுக்கு தகுதி பெரும் வாய்ப்புகளை பற்றி பார்ப்போம்.…
Virudhunagar: விருதுநகர் மாவட்டத்தில் கல்குவாரி ஒன்றில் ஏற்பட்ட வெடி விபத்தில் இதுவரை 3 பேர் உயிரிழந்துள்ளனர். விருதுநகர் அருகே ஆவியூரில் உரிமம் பெற்ற கல் குவாரியும், வெடி…