தமிழ்நாடு காங்கிரஸ் கட்சியின் தேர்தல் மேலிட பொறுப்பாளர் தினேஷ் குண்டு ராவிற்கு அமைச்சரவையில் இடம் அளிக்க வாய்ப்பு.
கர்நாடக மாநிலத்தில் சமீபத்தில் நடந்து முடிந்த சட்டசபை பொது தேர்தலில் காங்கிரஸ் கட்சி வெற்றி பெற்று ஆட்சியை பிடித்துள்ளது. அதாவது, மொத்தமுள்ள 224 தொகுதிகளில் 135 இடங்களில் வெற்றி பெற்று தனிப்பெரும்பான்மை பலத்துடன் ஆட்சியை பிடித்துள்ளது. கர்நாடக சட்டசபை தேர்தலில் காங்கிரஸ் கட்சி 34 ஆண்டுகளுக்கு பிறகு அதிக இடங்களை கைப்பற்றி வரலாற்றை எழுதியுள்ளது.
இதையடுத்து நீண்ட இழுபறிக்கு பின்னர் கர்நாடக முதல்வராக சித்தராமையாவும், துணை முதல்வராக டிகே சிவகுமாரும் தேர்வு செய்யப்பட்டனர். பெங்களூர் கன்டீரவா மைதானத்தில் நாளை மதியம் 12.30 மணிக்கு பதவியேற்பு விழா நடைபெற உள்ளது. கர்நாடகா முதல்வராக சித்தராமையாவும், துணை முதல்வராக டிகே சிவக்குமாரும் நாளை பதவியேற்க உள்ளனர். மேலும், கர்நாடக மாநிலத்தில் அமையவுள்ள அரசின் அமைச்சர்களும் பதவியேற்க உள்ளனர்.
பதவியேற்பு விழா ஏற்பாடுகள் தீவிரமாக மேற்கொள்ளப்பட்டு வருகிறது. அடுத்த ஆண்டு நாடாளுமன்ற தேர்தல் நடைபெற உள்ள நிலையில், பாஜகவுக்கு எதிராக சித்தாந்தம் கொண்ட கட்சி தலைவர்களை அழைத்து, மிகப்பெரிய அளவில் பதவியேற்பு விழாவை நடத்த காங்கிரஸ் கட்சி திட்டமிட்டுள்ளது. பதவியேற்பு விழாவில் பங்கேற்க முதலமைச்சர் முக ஸ்டாலின் இன்று பெங்களூரு புறப்படுகிறார்.
இந்த நிலையில், தமிழ்நாடு காங்கிரஸ் கட்சியின் தேர்தல் மேலிட பொறுப்பாளர் தினேஷ் குண்டு ராவிற்கு நாளைய கர்நாடக அமைச்சர் அவையில் இடம் வழங்கப்பட உள்ளதாக தகவல் வெளியாகியுள்ளது. தமிழ்நாடு மேலிட பொறுப்பாளரான தினேஷ் குண்டு ராவ் நடைபெற்ற கர்நாடக சட்டமன்றத் தேர்தலில் வெற்றி பெற்றிருந்தார்.
சித்தராமையா மற்றும் டிகே சிவக்குமார் ஆகிய இருவரும் தங்களின் ஆதரவாளர்களுக்கு அமைச்சர் பதவிகளை வழங்க வேண்டும் என கோரிக்கை வைத்துள்ளதாகவும், முக்கிய துறைகளை பெற்று கொடுக்க இருப்பதாகவும் கூறப்படுகிறது. இதனால், சில முக்கிய தலைவர்களும் நாளை பதவியேற்பு விழாவில் அமைச்சர்களாக பதவியேற்க வாய்ப்புள்ளது.
8 வடிவ நடை பயிற்சி-எட்டு வடிவ நடை பயிற்சி செய்யும் முறை அதன் பயன்கள்,தவிர்க்க வேண்டியவர்கள் பற்றி இப்பதிவில் காணலாம். 8 வடிவ நடை பயிற்சி செய்யும்…
Heat Wave : வழக்கத்தை விட இந்தாண்டு வெப்பநிலை அதிகரிக்க 2 காரணங்களை இந்திய வானிலை ஆய்வு மைய ஆராய்ச்சியாளர்கள் தெரிவித்துள்ளனர். வழக்கத்தை விட இந்தாண்டு வெயிலின்…
Mumbai Indians : ஐபிஎல் தொடரில் நட்சித்திர அணியான மும்பை இந்தியன்ஸ் 7 தோல்விகளுக்கு பிறகும் ப்ளே ஆஃப் சுற்றுக்கு தகுதி பெரும் வாய்ப்புகளை பற்றி பார்ப்போம்.…
Virudhunagar: விருதுநகர் மாவட்டத்தில் கல்குவாரி ஒன்றில் ஏற்பட்ட வெடி விபத்தில் இதுவரை 3 பேர் உயிரிழந்துள்ளனர். விருதுநகர் அருகே ஆவியூரில் உரிமம் பெற்ற கல் குவாரியும், வெடி…
Watermelon seeds-தர்பூசணி விதைகளின் ஆரோக்கிய நன்மைகளை இப்பதிவில் தெரிந்து கொள்வோம். தர்பூசணியை சாப்பிட்டுவிட்டு அதன் விதைகளை தூக்கி எரிந்து விடுவோம். ஆனால் அந்த விதைகள் நம்மில் பலரும்…
STAR : ஸ்டார் படத்தை பார்த்துவிட்டு நடிகர் கவினுக்கு கால் செய்து சிம்பு பாராட்டியுள்ளார். நடிகர் கவின் டாடா திரைப்படத்தின் பெரிய வெற்றியை தொடர்ந்து அடுத்ததாக பியார்…